Reçel ftoj

Përbërësit

• 1250 gr ftonj të pastruar dhe të prerë hollë
• 1250 gr sheqer
• 440 gr ujë
• 2 vanilje
• 1 l,k lëng limoni
• 100 gr bajame të zbardhura

Përgatitja

Zgjedhim ftojnë të mëdhenj dhe i fshijmë mirë me një pecet të iki pushi i tyre.

Pastrojmë nga zhapa dhe presim në fleta të holla.

Presim çdo fletë në fije të holla si fijet e shkrepëses dhe i hedhim në ujë i shpëlajmë dhe i vëmë në tenxhere që kemi hedhur ujin e duhur, të ziejnë deri sa të zbuten. 

Hedhim sheqerin dhe ziejmë në zjarr të lartë të lidhet reçeli shpejtë dhe të ruaj ngjyrën e artë ftoj (nuk duhet të bëhet i kuq).

Shtojmë lëngun e limonit dhe vaniljet dhe sa të marrin 1-2 zierje heqim tenxheren nga zjarri.

Hedhim bajamet dhe mbushim vazot.

Ftonjtë bëhen dhe të grirë në rende në të njëjtën mënyrë.

Nëse duam që reçeli të marri ngjyrë të kuqe e ziejmë në temperaturë të mesme dhe shtojmë pak ujë tjetër.

Nëse nuk dëshirojmë të hedhim vanilje, ziejmë bashkë me ftonjtë disa fletë barbaroza.

Read more

Reçel Fiku

Përbërësit

• 1.200 gr fiq
• 600 gr sheqer
• 1 limon lëngun e tij
• 1-2 lugë supe konjak

Përgatitja

• Lajmë mirë fuqitë dhe i presim më katërsh pa ju pastruar zhapën .
• I vendosim në tenxhere,shtojmë sheqerin dhe i lëmë na darka deri në mëngjes të ditës tjetër.
• Ditën tjetër shtojmë një gotë ujë dhe vendosim tenxheren në zjarr të avashëm për 30 minuta, heqim texheren nga zjarri dhe e lemë të ftohet. 
• Vendosim përsëri texheren në zjarr për 15 minuta të tjera. 
• Para se ta heqim nga zjarri hedhim lëngun e limonit dhe e trazojmë të marri 2-3 valë akoma. (mundë ti shtypin me lugë ose me blender dore nëse kanë ngelur copa). 
• E hedhim reçelin  të nxehtë në vazo të sterilizuara, e lëmë të ftohet dhe hedhim përsipër 1/2  lugë konjak. 
• Mbyllim fortë vazot dhe i ruajmë në vend të freskët.

Tips

• Kur trazojmë reçelin luga lë një vijë, atëherë është gati ta heqim nga zjarri.

Read more

Ftonj të pjekur

Përbërësit

• 2 ftonj
• 1 filxhan çaje sheqer
• 1 gotë ujë
• Kanellë një dru ose 1 lugë kafeje e prerë pluhur
• 4-5 karafil ose një majë luge pluhur
• 2-3 gota të vogla liker i preferencës tonë

Përgatitja

• Pastrojmë ftonjtë nga pushi dhe i lajmë i fshijmë me një pecet. I presim në mes heqim pjesën e fortë farat (nuk i flakim i mbajmë). 
• Nuk ju pastrojmë zhapën dhe i presim në copa.
• Në një tenxhere hedhim ujin dhe ftonjtë. 
• Në një copë tyli hedhim farat dhe pjesët e pastruara  më parë, i lidhim fortë dhe i vendosim në tenxhere bashkë me ftonjtë të ziejnë për 10-15 minuta.
• Shtrojmë ftonjtë në një tepsi ose pyrex me gjithë ujin e tyre (heqim tylin me farat). 
• Hedhim përsipër sheqerin dhe përbërësit e tjerë.
• Nëse tepsia s'ka kapak mbulojmë me letër vajore dhe alumin.
• Pjekim në furrë që kemi nxehur më parë 170 -180 gradë për një orë e gjysmë pothuajse  sa të zbuten dhe të trashet shurupi, afër fundit i zbulojmë të marrin ngjyrë.
• Kthejmë shpesh herë dhe hedhim përsipër shurup sa të marrin ngjyrë në të gjitha anët.
• Shërbejmë me kosë, akullore ose me krem të dëshirës sonë.

Read more

Gliko rrushi

Reçel rrushi me bajame

Përbërësit

• 1 kg rrush
• 1 kg sheqer
• 2  filxhan ujë
• 100 gr e bajame të zbardhura
• 1 degë ambaroriza (xhenxhefil) ose 1 vanilje pluhur
• Lëng nga një gjzsëm limoni

Përgatitja

• Lajmë mirë rrushin dhe heqim bishtat e lemë të kullojë .
• E hedhim në një tenxhere, hedhim sheqerin përsipër dhe ujin. 
• Ziejmë në temperaturë të ulët për 10 minuta duke i hequr shkumën.
• Heqim tenxheren na zjarri dhe e lëmë për 24 orë.
• Ditën tjetër ziejmë prapë glikon deri sa të trashet lëngu.
• pak përpara se ta heqim nga zjarri hedhim bajamet xhenxhefilin dhe lëngun e limonit, të mos sheqeroset glikoja.
• E lemë glikon të ftohet dhe më vonë  e hedhim në vazo.
• Mbyllim vazot fortë sa janë të ngrohta dhe i kthejmë përmbys, ruajmë vazot në vend të 
• freskët.

Read more