Tortë KOK në tavë

Përbërësit
Pandispanja

• 1 1/2 filxhan çaji miell fryrës (farina)
• 2 l,k pluhur pjekës (baking powder)
• 2 vanilje pluhur
• 6 vezë të ndara të bardhat nga të verdhat
• 1 1/2 filxhan çaj sheqer

Për kremin

• 8 l,s të prera miell
• 4 l,s të prera niseshte
• 1 filxhan çaji sheqer
• 6 të verdha veze
• 5 filxhan qumësht i freskët
• 1 vanilje
• 3 l,s gjalpë

Për mbulimin nga lartë

• 170 gr kuverturë çokollatë
• 170 ml krem qumështi pana me 35% yndyrë
• 1 l,k mjaltë

Për shurupin

• 1 filxhan sheqer
• 1 filxhan ujë

Përgatitja

• Ngrohim paraprakisht furrën në 170°C me ajër.
• Përgatisim pandispanjën, në një tas bashkojmë miellin, pluhurin pjekës dhe 2 vaniljet.
• Godasim në mikser të bardhat e vezëve të bëhen shkumë (mareng).
• Godasim në mikser 1 1/2 filxhan sheqer me të verdhat e vezëve të bashkohen mirë.
• Hedhim masën e sheqerit dhe të vezëve që përgatitëm më parë në të bardhat dhe trazojmë lehtë.
• Hedhim miellin pak nga pakë dhe trazojmë me kujdes në të njëjtin drejtim të mos humbim fryrjen.
• Shtrojmë 2 tava të mesme me letër pjekje dhe ndajmë brumin në dy tepsitë në mënyrë të barabartë.
• Pjekim për 25- 30 minuta.
• Përgatisim kremin
• Në një tenxhere hedhim gjysmën e qumështit dhe në temperaturë të mesme e vlojmë.
• Në një tas hedhim gjysmën tjetër të qumështit shtojmë miellin, niseshtenë të verdhat e vezëve, 1 filxhan sheqer dhe 1 vanilje.
• Hedhim masën e përgatitur në qumështin e nxehtë, hedhim dhe gjalpin duke trazuar vazhdimisht të mos na ngjisë kremi dhe të piqet mirë.
• Përgatisim glason çokollatë
• Në një tenxhere të vogël ngrohim kremin e qumështit sa të nxehet jo të vloj.
• Tërheqim tenxheren nga zjarri dhe shtojmë çokollatën duke trazuar sa të shkrijë mirë çokollata, shtojmë dhe mjaltin.
• Përgatisim shurupin
• Në një tenxhere të vogël hedhim ujin dhe sheqerin të ziejë 2-3 minuta.
• Montojmë tortën
• Heqim nga tepsia pandespanjën e parë (duhet të jetë krejt e ftohtë) dhe e vendosim në një pjatë të madhe ose tepsi.
• Spërkatim me shurupin e nxehtë përsipër pandespanjën. Hapim kremin nga lartë, shtrojmë panaspanjën e dytë, spërkatim me shurupin e mbetur, hedhim dhe glason e çokollatës për sipër dhe e mbulojmë tepsinë me transparentë.
• Vendosim tortën në frigorifer për 2-3 orë.

Read more

Byrek qumështi i mbështjell rolo (galaktobureko)

Përbërësit

Për petët

• 600 gr petë bakllavaje (krustas)
• 200 gr gjalpë i freskët i cilësisë së mirë

Për kremin

• 2 1/2 filxhan qumësht i plotë në yndyrë
• 1/2 semolina e hollë
• 1/2 filxhan sheqer
• 4 vezë
• 3 vanilje
• 50 gr gjalpë i freskët
• Lëkura e 1 limoni në rende

Për shurupin

• 4 1/2 filxhan sheqer
• 3 filxhan ujë
• 1 vanilje
• Lëng nga 1/2e limonit

Përgatitja

Sherbeti

• Hedhim në një tenxhere, ujin, vaniljen dhe ziejmë për 7' minuta që nga momenti që fillon të ziejë. E heqim nga zjarri shtojmë limonin dhe e lëmë mënjanë.

Për kremin

• Godasim të bardhat e vezëve të bëhen shkumë (marengë) dhe shtojmë të verdhat një nga një duke i goditur sa të bëhet një mas homogjene.
• Në një tenxhere të madhe vendosim qumështin dhe sheqerin dhe e nxehim jo të vloj.
• Hedhim semolina pak nga pak duke trazuar vazhdimisht të bëhet krem, sa të filloj të nxjerrë flluska tërheqim tenxheren nga zjarri. Hedhim gjalpin, lëkurën e limonit të grirë në rende dhe vaniljen dhe trazojmë të shkrijë gjalpi. 
• Në fund shtojmë dhe vezët e rrahura, ngadalë duke trazuar masën. Lemë kremin mënjanë të ftohet dhe e trazojmë disa herë që mos të çojë cipë përsipër.

Për mbështjelljen

• Shkrijmë gjalpin e freskët. Hapim petët në tavolinë marrim në fillim 50 gr (mundet të mos ti përdorim të gjitha) presim petët në 3 shirita për së gjati.
• Lyejmë petët me gjalpë një nga një i palosim më dysh dhe i i lyejmë përsëri me gjalpë.
• Vendosim në anë të çdo pete 1 1/2 lugë kafeje nga kremi, palosim anët dhe lyejmë me gjalpë anët e palosura i mbështjellim duke i rrotulluar në formë cilindri.
• Shtrojmë në tepsi të lyer me gjalpë cilindrat duke lënë pak vend midis tyre sepse do fryhen në pjekje.

Për pjekjen

• Kur të kemi mbaruar me mbështjelljen hedhim gjalpin e mbetur përsipër dhe pjekim në furrë të ngrohur paraprakisht në 190°C për 15 minuta, në vazhdim ulim temperaturën në 160°C dhe pjekim për 30 minuta të tjera deri sa të marri ngjyrë të artë përsipër.

Për sherbetin

• Hedhim sherbetin e ftohtë lugë-lugë përsipër byreqeve të nxehta menjëherë sa ti nxjerrim nga furra .
• Lëmë sa të vaket byreku dhe shërbejmë.

Read more

Shëndetllie me mjaltë

Përbërësit për një tave të mesme

• 500 gr miell
• 200 gr sheqer
• 120 gr gjalpë ne temperaturë ambienti
• 2 vezë
• 80 gr arra te pastruara (dhe të pjekura sipas dëshirës)
• 3 luge mjaltë
• Pak sodë (në maj të lugës)

 Për shurupin

• 3 gota ujë
• 3 gota sheqer
• 1 vanilin

Përgatitja

• Ne një tas te thellë, rrahim me ndihmën e një mikseri elektrik vezët me sheqerin derisa përbërja të fryhet dhe të zbardhet.
• Shtojmë një nga një përbërësit mjaltin, gjalpin, miellin me sodën e bukës dhe në fund arrat e grira.
• Punojmë brumin pak me dore në mënyrë qe përbërësit te bashkohen me njeri-tjetrin, brumi nuk duhet të rezultojë elastik.
• Hedhim brumin ne një tavë te lyer me gjalpë dhe të spërkatur me pak miell, e nivelojmë me ndihmën e një shpatulle dhe e vendosim ne furrë te ngrohur paraprakisht ne 180°C për 35-40 minuta, derisa sipërfaqa të ketë marrë ngjyrë kafe.
• E nxjerrim nga furra, e presim në rombe dhe ndërkohë që shëndetllia ftohet në temperaturë ambienti, përgatisim sherbetin:
• Vendosim të vlojë sherbeti për 7 minuta nga momenti që fillon të vlojë ne temperaturë mesatare, dhe e lemë sherbetin mënjanë te vaket.
• Kur shëndetllia te jetë ftohur, i hedhim sherbetin e vakët përsipër dhe hedhim dhe pak arra te grira përsipër ëmbëlsirës.

Read more

Bakllava me petë krusta dhe portokall

Përbërësit

• 24 petë krusta për ëmbëlsira
• 240 gr arra të copëtuara
• 80 gr bajame të copëtuara
• 180 gr sheqer
• 100 gr bukë e thatë e bluar (galete)
• Lëng nga 2-3 portokall
• 200 gr gjalpë i shkrirë
• Kanellë pluhur

Sherbeti

• 580 gr sheqer
• 400 gr ujë
• 1 filxhan mjaltë
• 3 l,s lëng limoni

Përgatitja

• Përziejmë bajamet, arrat, sheqerin, lëngun e portokallit , galetën dhe pak kanellë pluhur.
• Masa nuk duhet të jetë e thatë, shtojmë lëng portokall të regjet plotësisht.
• Në një tenxhere të vogël vendosim gjalpin të shkrijë.
• Lyejmë tepsinë me gjalpë dhe petët një nga një, shtrojmë gjysmat e petëve dhe hedhim mbushjen në mes, vazhdojmë duke lyer petët me gjalpë deri në petën e fundit.
• Petën e fundit nuk e shtrojmë. Presim bakllavanë me thikë të mprehtë thellë, hedhim përsipër gjalpin e mbetur dhe shtrojmë petën e fundit përsipër pa e lyer me gjalpë.
• Pjekim në furrë të para ngrohur për 180°C për 45 minuta.
• Në një tenxhere, hedhim ujin, mjaltin, limonin,dhe sheqerin që nga momenti që fillon të vlojë sherbeti e lemë 5 minuta të vloj.
• Kur të jetë pjekur bakllavaja e lëmë 20' të ftohet dhe hedhim pak kanellë përsipër, hedhim sherbetin të nxehtë dhe mbulojmë bakllavanë me një pecetë për 5 orë dhe më mbas shërbejmë.

Read more

Pite portokalle ( portokalopita)

Përbërësit

12 pjesë

Koha 60' minuta

Përbërësit

Për piten portokall

• 1 pako petë të holla për ëmbëlsirë
• 1 filxhan vaj misri
• 1 filxhan i prerë sheqer
• 1 vanilje
• 1 faqe baking powder
• Lëkura e 1 portokalli e grirë
• 200 gr. kos i plotë
• 4 vezë

Për sherbetin

• 2 filxhan të prerë sheqer
• 2 filxhan ujë 
• Lëngun nga 3 portokall
• 1 shkop kanellë

Përgatitja

Hapim petët në një tavolinë të thahen pakë (për 15 minuta).

Në një tas përziejmë të gjithë përbërësit e tjerë me një shpatull vajin,sheqerin,kosin,vezët beiking powder, vaniljen dhe zhapën e portokallit të grirë në rende.

Brenda në tas hedhim dhe gjysmat e petëve të copëtuara me dorë dhe trazojmë.

Në një tepsi që kemi hedhur pak vaj misri, shtrojmë petët që mbetën  duke i mbledhur brenda në tepsi, (jo të shtruara drejt) hedhim masën e përgatitur përsipër dhe pjekim piten në 180°C me ajër për 40 minuta. Nxjerrim piten nga furra e lemë të ftohet dhe më pas e presim dhe përgatisim shurupin.

Ziejmë për 10 minuta sherbetin me lëngun e portokallit dhe kanellën dhe hedhim përsipër pites së ftohtë.

Read more

Bakllava me fruta arrore dhe erëza

Përbërësit

• 1 gotë vaj ulliri
• 1/2 e gotës galetë
• 1/2 e gotës bajame pluhur
• 1/2 e gotës bajame të  zbardhura dhe të copëtuara
• 1/2 e gotës fistike të copëtuara
• 3/4 e gotës arrë të copëtuara
• 3/4 e gotës sheqer i zi
• 1 l,s kanellë
• 1 l,k arrë myshku e bluar
• Disa karafil 
• 2 vanilje 
• 1 pako petë krusta të holla për bakllava

Për shurupin

• 2 gota sheqer
• 1,2/3 e gotës  ujë me zhapat e gjysmës së një mandarine, dhe disa pika lëng mandarine

Përgatitja

Në një tas përziejmë të gjithë përbërësit veç karafilit, vaniljes dhe petët.

Presim petët në mes.

Vaisim një pyrex 35-22 cm ( është pothuaj sa gjysma e petës).

Shtrojmë tre gjysma petësh duke i vaisur, në të katërtën do shtojmë mbushje sa merr një grusht. Vazhdojmë me petët një e lyejmë me vaj tjetrën shtojmë mbushje e kështu me radhë, deri sa të mbeten tre petë që i shtrojmë të lyera me vajë si të parat. Presim bakllavanë me thikë dhe vendosim karafilat përsipër.

Pjekim në furrë të para ngrohur 180°C për 30'-40' minuta sa të marri ngjyrë të artë bakllavaja.

E nxjerrim të nxehtë spërkatim me vanilje dhe hedhim shurupin të ftohtë përsipër që ta pijë pak nga pakë.

Për shurupin 

Vendosim të gjithë përbërësit bashkë i lëmë të ziejnë për 1- 2 minuta, e lëmë të ftohet shurupi.

Read more

Byrek qumështi

Përbërësit

• 450 gr petë për ëmbëlsira (krustas)
• 200 gr gjalpë lope
• 
  

Për kremin

• 5 vezë
• 100 gr semolina (simigdali psilo)
• 1 lugë supe gjalpë
• 2 vanilje
• 1 litër qumësht
• 1/5 e gotës sheqer
• Lëkura e një limoni e grirë në rende

Për shurupin

• 500 gr sheqer
• 1.1/2 e filxhanit ujë
• Lëkura e një limoni
• 1 dru kanelle

Përgatitja

Shurupi

• Në një tenxhere vendosim të gjithë përbërësit e sherbetit, trazojmë me një lugë sa të shkrij sheqeri . 
• Nga momenti që fillon të ziej e lëmë 10 minuta të ziej dhe pastaj e heqim të ftohet.

Kremi

• Vendosim në një tenxhere qumështin, sheqerin dhe një lugë gjalpë. 
• Trazojmë mirë dhe e lëmë të ziej në temperaturë të ulët.
• Në një tas vendosim vezët, vanilje, semolina, dhe limonin e grirë në rende dhe trazojmë. 
• Në vazhdim hedhim këtë masë në tenxheren me qumështin qe ziem dhe trazojmë deri sa të mpikset masa.

• Për petët

• Shkrijmë 200 gr gjalpë.
• Në një tepsi të lyer me gjalpë vendosim një petë dhe lyejmë përsipër me gjalpë dhe kështu me radhë sa të shtrojmë 6 petë. 
• I vendosim petët në mënyrë që anët ti kthejmë në fund. 
• Në vazhdim hedhim masën e kremit që përgatitëm dhe vazhdojmë me petët e tjera një nga një duke i lyer me gjalpë. 
• Kthejmë petët që kanë tepruar anash dhe i lyejmë me gjalpë, me një thikë të mprehët presim byrekun në copa. 
• Hedhim pak ujë përsipër duke e spërkatur që mos të ngrihen petët gjatë pjekjes.
• Pjekim në furrë të para nxehur në 180° gradë për 55 minuta.
• Sa e nxjerrim na furra i hedhim sherbetin e ftohur përsipër.
• Gjalpi është shumë i rëndësishëm për shijen e byrekut, ndaj dhe e zgjedhim gjalpin të jetë i freskët.

Read more