Penerrli

Përbërësit për brumin

• 1 filxhan çaje ujë
• 1 filxhan çaje qumësht i kondensuar
• 1 lugë e prerë me krip
• 2,5 lugë kafeje maja (pluhur)
• 1 kg miell

Mbushim me mish te grirë

• 250 gr mish i grirë derri
• 250 gr mish i grirë viçi
• 1 qepë e grirë hollë
• 1 thelb hudhër e grirë hollë
• 1/4 l.k kanellë pluhur
• 1/4 karafil pluhur
• 2 fletë dafine
• 400 gr domate në copa të vogle (konkase)
• 1 glikaniso
• Kripë
• Piper
• 400 gr djathë kaçkavall

Mbushje me djathë kaçkavall dhe proshutë

• 400 gr djathë kaçkavall kaseri
• 150 gr proshutë (bejkon)
• 1 spec jeshil

Përgatitja

• Në një tas vendosim ujin, qumështin, kripen dhe majanë. Përziejmë dhe shtojmë miellin pak nga pak të bëhet brumë as i ngurtë as te ngjis në duar. E mbulojmë brumin me një pecet dhe e lëmë të vijë.
• Kur të ketë ardhur brumi marrim brumë dhe e bëjmë top sa një arrë e hapim ne formë varke vendosim mbushjen dhe e mbyllim anash.
• Vendosim ne tepsi te lyer me gjalpë penerlitë, dhe i pjekim ne 180 gradë për 20 minuta në furrë te para ngrohur.
• Kur i heqim nga furra i kalojmë me një furçë me gjalpë nga lart.

Mbushje me mish të grirë

• Në një tigan hedhim vajin dhe shtojmë qepën e grirë me hudhrën të kaurdisen 2 minuta. 
• Hedhim mishin e grirë dhe kaurdisim deri sa të zbardhet mishi, ndërkohë shtojmë kanellën, karafilin, dafinat dhe glikanison ulim temperaturën dhe shtojmë domatet konkase, kripë dhe piper. Lemë të ziejë mishi për 25-30 minuta të kenë avulluar plotësisht lëngjet dhe të ketë mbetur pak ithatë mishi.

Mbushja me djath dhe proshutë

• Mbushim penerlitë me djathin e grirë i mbyllim në forëm varke dhe hedhim përsipër proshutën dhe specin që kemi prerë në rrathë.

Tip

• Uji dhe qumështi nuk ka rendësi të jetë i vakët, kur janë në temperaturë dhome.
• Ne vend te qumështit dhe ujit mund te përdorim 2 gota qumësht të freskët.
• Ky brumë përdoret dhe për pica.
• Mund ti fusim ne frigorifer të ngrijnë dhe ti nxjerrim disa orë më përpara se ti pjekim penerrlit.

Read more

Qofte me salcë (sutzukakia)

Përbërësit

• 50 gr vajë ulliri
• 2 thelb hudhër
• 500 gr mish viçi i grirë
• 20 gr bukë toste
• 100 ml qumësht
• 1 vezë
• Kripë
• Një brez bukovo spec djegës
• 1 1/2 l,k kimino (Cumin)
• Një brez piper i zi
• Nenexhik
• 20 ml uzo
• 100 gr miell për lyerjen e qoftes
• 50 ml vaj lule dielli për kaurdisjen

Për salcën

• 400 gr domate konkase ose 2 domate të mëdha të prera në copa të vogla
• 1/2 l,k sheqer
• 1 dru kanelle

Përgatitja

Për qoftet

• Në mikser godasim vajin e ullirit me hudhrën.
• Në një tas të madh hedhim të gjithë përbërësit e ujshëm. Vajin me hudhrën, qumështin, uzon dhe vezën.
• Trazojmë pak me një rrahëse. Hedhim bukën e tostës në copa, kiminon, bukovon dhe nenexhikun e prerë hollë.
• Trazojmë mirë me dorë sa të shkrihet buka plotësisht. Shtojmë kripë, piper të bollshëm dhe mishin e grirë.
• Trazojmë derisa të bashkohen të gjithë përbërësit mirë.
• Në një tepsi me miell hedhim qoftet e bëra toptha në formë ovale pak të stërzgjatur 30-50 gr çdo topth.
• Kthejmë qoftet të lyen mirë me miell.
• Vendosim mbi sobë një tigan në temperaturë të mesme drejt të lartës, hedhim vajin e lulediellit dhe presim 1 minutë të nxehet.
• Duke larguar miellin e tepërt nga qoftet i hedhim në tigan një nga një.
• Kaurdisim qoftet rreth 5 minuta të marrin ngjyrë.
• Nxjerrim qoftet dhe i hedhim me një pjatë ku kemi shtruar letër kuzhine, të iki vaji i tepërt.
• Lemë qoftet mënjanë.

Për salcën

• Vendosim një tenxhere në zjarr të mesëm.
• Presim qepën trashë.
• Hedhim pak vajë në tenxhere dhe më pas hedhim qepën. Hedhim dhe sheqerin dhe trazojmë. Presim sa të karameloset qepa.
• Kur të jetë karamelosur qepa, hedhim një lugë pelte domate dhe kaurdisim mirë të paktën 1-2 minuta të jetë lidhur salca.
• Hedhim kanellën, fletët e dafinës, 1 katrore që e kemi shkrirë në 250 ml ujë të nxehtë. Trazojmë pak dhe hedhim dhe qoftet brenda në tenxhere.
• Vendosim kapakun dhe ziejmë për 10 minuta qoftet të lidhet salca mirë.
• Shërbejmë qoftet me oriz bashmati dhe nenexhik.

Read more

Kroketa me patate

Përbërësit

• 1 kg patate
• 2 vezë
• 400 gr djathë kaçkavall i grirë(djathë graviera)
• 2 qepë të grira në rende
• 7 fletë majdanoz
• 2 lugë supe nenexhik
• kripë,piper,miell sa të na duhet (rreth 1 kg)
• Vajë për kaurdisjen.

Përgatitja 

• Ziejmë patate i shtypim me një pirun, të bëhen pure. Hedhim të gjithë përbërësit e mbetur, vezët, djathin kaçkavall (graviera), majdanoz, nenexhik, kripë, piper dhe i përziejmë.
• Së fundi shtojmë miellin aq sa të bëhet një brumë pak i ngurtë që nuk ngjit në duar.
• Formojmë qoftet në topa të vegjël dhe i kaurdisim në temperaturë të mesme.
• I kthejmë në të dy krahët dhe kujdesemi mos të na digjen.
• Pasi janë pjekur i vendosim ato në një pjatë me letër kuzhine në mënyrë që të kulloj vaji i tepërt.

Tip

• Nëse nuk kemi vendosur sasinë e duhur të miellit, qoftet me patate do hapen kur ti kaurdisim. Provojmë një dhe nëse hapet shtojmë pak miell akoma të jen pak të ngurta.
• Shuma e saktë e miellit është sekreti i suksesit të tyre.

Read more

Makarona me karkaleca deti

Përbërësit 

• 1 pako spaget ose tagliatele
• 1 qese karkalec deti 700- 800 gr të ngrira ose të freskëta
• 1 qepë e madhe e grirë hollë
• 2 thelpinj hudhër të grira hollë
• 1 piper djegës i prerë hollë (sipas dëshirës ose 1 brez piper pluhur paprika)
• 1/4 filxhan vajë ulliri
• 2 kuti domate konkase ose 5 domate të pjekura mirë të grira hollë
• 1 l,s domate pelte
• 1 l,k sheqer
• 1/4 filxhan verë e bardhë ose uzo
• Majdanoz i grirë
• Kripë, piper

Përgatitja

• Pastrojmë karkalecat u heqim fillin e zi që kanë përsipër me një kruajse dhëmbësh, heqim kokat e karkalecave dhe i mbajmë, heqim dhe lëvozhgat.
• Në një tenxhere ziejmë kokat e karkalecave me 3/4 e gotës ujë për 2-3 minuta, që të marrim lëngun e tyre të kulluar.
• Vendosim në një tigan të thellë vajin të nxehet dhe shtojmë hudhrën me karkalecat të skuqen shtojmë dhe verën ose uzon.
• Kur të ketë avulluar alkooli nxjerrim karkalecat dhe i lëmë mënjanë.
• Shtojmë qepët e prerë hollë dhe kaurdisim 1-2 minuta, shtojmë domatet, pelten e domates, kripë, piper, sheqerin, piperin djegës ose paprikën (nëse dëshirojmë), majdanozin dhe lëngun që morëm nga kokat e karkalecave të kulluar.
• Mbyllim tenxheren dhe ziejmë rreth 15 minuta 3' - 4' minuta më përpara se ti heqim nga zjarri hedhim karkalecat.
• Ndër kohë ziejmë makaronat. Nëse dëshirojmë makaronat të thithin salcën e karkalecave i ziejmë gjysmën e kohës së tyre të zakonshme, dhe i shtojmë makaronat në tenxheren me salcën, shtojmë dhe 2 gota ujë nga uji i makaronave, i trazojmë dhe i ziejmë në temperaturë të avashme gjysmën e kohës që nevojitet për zierjen, nëse është e nevojshme shtojmë pak ujë nga i makaronave akoma.
• Nëse duam ti ziejmë veçante makaronat, i ziejmë si gjithmonë i kullojmë i djegim me gjalpë ose vajë.
• Shërbejmë makaronat duke ju hedhur salcën me karkalecat përsipër dhe pak majdanoz, djathë të grirë parmezana.
• Shërbejmë menjëherë pas përgatitjes.

Read more

Sufle me mish pule

Përbërësit

• Një pulë e pjekur që i kemi hequr kockat dhe lëkurën
• 600 ml qumësht i nxehtë
• 2 lugë supe gjalpë
• 2 lugë supe vaj ulliri
• 2 1/2 lugë supe miell
• 6 vezë (të ndara të verdhat nga të bardhat)
• 200 gr parmeziano i grirë
• 100 gr motzarela e grirë
• 1 presh i grirë hollë
• 2 qep të njoma të grira hollë
• 2 fleta bukë toste të prera në kubik
• Arrë myshku,kripë piper.

 Përgatitja

• Në një tigan hedhim 2 lugë supe vaj ulliri dhe kaurdisim në temperaturë të mesme qepët dhe preshin deri sa të zbuten.
• I nxjerrim nga tigani dhe i vendosim në letër kuzhine të ftohen.
• Në një tenxhere hedhim gjalpin dhe shtojmë miellin, kaurdisim për 1 minutë të marri pak ngjyrë mielli.
• Shtojmë duke trazuar, qumështin qe kemi nxehur dhe trazojmë vazhdimisht deri sa të mpikset beshameli..Hedhim kripën.piperin, arrë myshkun dhe të verdhat e vezëve një nga një duke trazuar.
• Shtojmë dhe përbërësit e tjerë veç të bardhave të vezëve dhe trazojmë.
• Godasim të bardhat e vezëve të bëhen marengë dhe i shtojmë në masën e përgatitur pak nga pak për ti dhënë vëllim sufles.
• Hedhim masën në një pyrex tepsi të lyer me gjalpë, pjekim në furrë të para ngrohur në 180°C për 40 minuta.

Read more

Sallatë me lakër jeshile, patate dhe vezë

Përbërësit

• 2 sallatë jeshile e prerë hollë
• 3-4 patate të ziera
• 3 vezë të ziera shumë
• 1 l,s kopër e prerë hollë
• 2 l,s qepë të njoma të grira hollë
• Vajë, uthull
• 5 l,s majonezë
• 4-5 ullinj
• Pak majdanoz i grirë hollë

Përgatitja 

• Pastrojmë dhe lajmë sallatën jeshile dhe e presim hollë.
• Ziejmë patatet dhe vezët, pastrojmë vezët dhe i presim në fleta mbajmë një të verdhe veze.
• Presim 2 nga patatet në copa të vogla dhe të tjerat i presim në fleta të rrumbullakëta. Shtypim me një pirun të verdhën e vezës që mbajtëm.
• Përziejmë sallatën jeshile, patatet, qeptë e njoma,dhe kopër, spërkatim me vajë dhe uthull pasi kemi lënë sallatën për 10 minuta të kullojë mirë.
• Shtojmë gjysmën e majonezë dhe vendosim në një pjatë të thellë, hedhim përsipër majonezën e mbetur, shtojmë fletët e vezëve dhe fletët e patateve dhe ullinjtë hedhim përsipër sallatës dhe majdanozin e grirë dhe të verdhën e shtypur.
• Deri sa ta shërbejmë e vendosim në frigorifer.

Read more

Sallatë me lakër të bardhë dhe domate

Përbërësit

• 1 lakër e bardhë e mesme
• 3-4 domate
• 4-5 ullinj
• Vajë, uthull ose limon
• Kripë

Përgatitja

• Presim lakrën në mes e pastrojmë nga pjesa e fortë me një thikë, e presim në fije të holla.
• Lajmë me ujë të bollshëm dhe e lemë mënjan të kullojë mirë.
• Pastrojmë dhe lajmë domatet, i presim në fleta të rrumbullakëta.
• Vendosim të gjithë përbërësit në një pjatë sallate vendosim përsipër disa ullinj dhe spërkatim me pakë majdanoz.
• Pak më parë se të shërbejmë shtojmë kripën, vajin, uthullën ose limonin sipas dëshirës.
• Kjo sallatë mundë të bëhet dhe me lakër dhe karotë të grirë në rende.

Read more

Caesar salad

Përbërësit

• Një sallat jeshile e madhe
• 2 fileta pule të prera për së gjati
• 3 fletë proshutë
• Disa kruton
• Djathë parmezana ose rigato i tymosur

Për dressing

• 1 thelb hudhër
• 4 lugë supe vaj ulliri
• 1 limon
• 1 lugë kafeje mustardë
• Krip,piper

Përgatitja

• Përgatisim salcën vingret, hedhim të gjithë përbërësit e salcës në mikser dhe i bluajmë.
• 
  
• Pjekim pulën dhe proshutën dhe i presim në fletë.
• Në një pjatë sallate vendosim krutonat sallatën jeshile, pulën e prerë dhe proshutën, dhe trazojmë.
• Hedhim përsipër dhe salcën e përgatitur(vingret) me djathin parmezana.

Read more

Bamje me mish pule

Përbërësit 

• 2/3 filxhan çajë vaj ulliri
• 1 pulë e prerë në copa
• 1 qep e prerë hollë
• 1 thelb hudhër
• 6 domate të pastruar nga zhapa dhe te prera në copa ose i zëvendësojmë me 200 gr domate konservë
• 250 ml verë e bardhë
• 600 gr bamje
• 1 limon lëngun e tij
• Kripë, piper
• 1/2 e lugës kafes sheqer
• 2-3 lugë uthull
• Majdanoz

Përgatitja

• Në një tenxhere kaurdisim pulën me vajin e ullirit, e vendosim në një pjatë dhe e lëmë mënjan.
• Hedhim qepën dhe hudhrën në tenxhere të kaurdisen dhe shtojmë domatet me majdanozin, ziejmë 5 minuta.
• Hedhim në tenxhere pulën, verën, kripën, piperin, sheqerin dhe pak ujë, mbulojmë tenxheren dhe e lëmë të ziejë në temperaturë të ulët rreth 30 minuta.
• Ndërkohë pastrojmë bamjet dhe ju hedhim 1 lugë uthull, hedhim bamjet në ujë te nxehtë për 5 minuta, i kullojmë dhe hedhim lëngun e limonit përsipër.
• I lemë 10 minuta dhe i hedhim në tenxhere me pulën, shtojmë një gotë ujë dhe ziejmë për 20 minuta bamjet.

Read more

Brumë i ardhur me limon

Marrim një limon dhe e presim në mes, e lëmë në ambient shtëpie jo në frigorifer për 4 ditë të thahet.
Marrim 4 lugë miell e përziejmë me pak ujë dhe 8-10 pika limoni të bëhet një brumë i butë.
Mbulojmë tasin me film dhe e lëmë në ambient shtëpie për 24 orë.
Hedhim 4 lugë të tjera miell pak ujë dhe punojmë pakë brumin, mbulojmë për 24 orë të tjera.
Bëjmë të njëjtin proces për herë të tretë dhe lëmë brumin për 24 orë të tjera, brumi është gati për tu përdorur.
Nëse nuk e përdorim brumin në këtë moment e vendosim në frigorifer për një javë.
Nëse as mbas një jave se përdorim brumin e rifreskojmë me 4 lugë të tjera miell dhe pak ujë.
Mundemi çdo dy muaj të hedhim në brumë disa pika limoni që kemi lënë jashtë të prerë për 4 ditë për ta forcuar.
Për të bërë bukë na duhen 250 gr brumë për 1 kg miell.

Read more

Bukë me brumë të ardhur me limon

Përbërësit

• 700 gr miell i zakonshëm
• 300 gr miell për bukë
• 450 gr ujë i vakët
• 30 gr vajë ulliri
• 2 l,k kripë
• 1 l,k sheqer
• 250 gr brumë limoni receta këtu

Përgatitja

• Në një tas të madh hedhim brumin dhe ujin e vakët.
• E lëmë të të shkrifet brumi dhe shtojmë përbërësit e tjerë të recetës, kripën, sheqerin, miellin dhe vajin duke punuar brumin 3-4 minuta.
• Hedhim brumin me një tas të lyer me miell dhe e mbulojmë me transparent për 6-12 orë deri sa të vijë.
• Sa më shumë orë e lëmë aq më shumë vrima do bëj brumi në pjekje.
• Punojmë brumin lehtë dhe i japim formën që dëshirojmë në një apo dy ose tre bukë dhe e hedhim në tavë ose gastër me kapak.
• Lëmë brumin për 1,5 orë të tjera të vijë prapë në ambient të ngrohtë.
• Në furrë të ngrohur paraprakisht në 250°C vendosim gastrën me kapak të djeg mirë më pas vendosim brumin në gastër, lëmë të piqen bukët për 30 minuta, ose 25 minuta pa kapak në 200°C, ose në tavë për 45-60 në 200°C.

Read more

Kroketa me djathë

Përbërësit 

• 450 gr djathë graviera i grirë
• 65 gr miell
• 1 vezë
• 50 gr bukë e thekur e grirë galete
• 3 l.s djathë kaçkavall (kefalotiri)
• Vajë për pjekjen

Përgatitja 

• Trazojmë vezën me djathin graviera dhe miellin. Marrim nga masa 2 lugë supe dhe i bëjmë toptha sa një arrë.
• Në një pjatë të madhe përziejmë galetën me djathin kaçkavall.
• Hedhim topthat duke i shtypur pakë të ngjitet galeta me djathin.
• Vendosim topthat në frigorifer në ngrirje 10 minuta ose në mirëmbajtje 30 minuta.
• Në një tigan të thellë nxehim vajin në temperaturë të lartë dhe sa të arrij të djeg vaji ulim temperaturën në të mesme.
• Hedhim topthat 3 ose 4 njëherësh (varet sa tigan të madh kemi).
• Lemë 1,5 minuta dhe kthejmë kroketat në anën tjetër lemë 1,5 minuta të tjera.
• Nxjerrim kroketat me një lugë me vrima dhe i vendosim në letër kuzhine të iki vaji i tepërt.

Read more

Sallatë verore (xoriatiki salata)

Xoriatiki salata

Sallatë tradicionale greke


Përbërësit

• 1 kg domate
• 160 gr djathë i bardhë i prerë fletë
• 1 kastravec
• 3-4 rrepka (sipas dëshirës)
• 1 qepë e thatë e prerë në rrathë
• 1 spec jeshile
• Vajë
• Kripë rigon i freskët ( ose dhe i thatë)
• 5-6 ullinj

Përgatitja

• Lajmë dhe presim domatet, specin jeshile, kastravecin, dhe qepën.
• I hedhim të gjitha në një tas të thellë ose pjatë për sallatë dhe i trazojmë me një lugë.
• Presim rrepkën në fleta dhe e shtojmë në sallatë, shtojmë kripë, vajë dhe rigon në fund shtojmë dhe djathin e prerë përsipër me pak vajë dhe rigon hedhim dhe ullinjtë.

Read more

Fasule të mëdha në furrë (gjigandes plaki)

PËRBËRËSIT

• 1/2 kg fasule te mëdha
• 6 domate të freskëta për salcë
• 1 l.s pelte domate
• 2 speca me ngjyrë (të kuqe të verdhë)
• 4 qepë të mëdha
• 4-5 fletë dafine
• 6 kokrra Spices
• 1 l.k kripë
• 1/2 l.k piper
• 1 gotë vaj ulliri
• Pak majdanoz
• (Sipas dëshirës spec djegës, chilli)

Përgatitja

• Hedhim fasulet në ujë që në darkë.
• Në mëngjes i kullojmë fasulet dhe i hedhim në tenxhere me ujë të bollshëm ku kemi shtuar kripën, i ziejmë për 5 minuta, heqim tenxheren nga zjarri dhe i kullojmë.
• Në një tenxhere ku kemi hedhur ujë të pastër hedhim fasulet dhe i ziejmë për 1 orë (30 minuta në tenxhere presioni).
• Në tepsi hedhim vaj sa ta mbuloj sipërfaqen. Presim qepët e pastruara në rrathë të holla, mbulojmë të gjithë sipërfaqen e tepsisë me qepët e prera. Spërkatim me pakë krip dhe piper. Presim në rrathë specat.Vendosim disa mbi qepët.
• Hedhim me lugë kulluese (me vrima) fasulet e ziera, vendosim në mes tyre erëzat dhe dafinën.
• Shtrojmë përsipër dhe specat e prera në rrathë që na kanë mbetur.
• Kalojmë domatet në rende dhe në një tas bashkojmë lëngun e domateve që grimë në rende me pelten, kripën, piperin dhe vajin.
• Me salcën e përgatitur spërkatim tepsinë me fasule.
• Shtojmë pak ujë të vakët të mbulohen të gjithë përbërit.
• Pjekim në furrë të ngrohur paraprakisht në 180° gradë, mund të marri më shumë se 1 orë pjekja varet nga cilësia e fasuleve.
• Gjatë gjithë procesit të pjekjes nuk trazojmë me lugë fasulet.
• Kujdesemi qe qepët mos të dalin lart fasuleve mund të digjen dhe do vijnë të athëta.
• Vëzhgojmë mos të na mbeten pa lëng fasulet, nëse duhet, shtojmë ujë të vakët.
• Lajmë pak majdanoz dhe e presim hollë e hedhim përsipër tavës sapo heqim fasulet nga furra.
• Për ti bërë pikante fasulet mund të zëvendësojmë piperin me spec djegës 1/2 l.k është e mjaftueshme.
• Një mënyrë tjetër është: Në fund të pjekjes vendosim një lugë chilli në ujë të vakët mbas 5 minutash kullojmë ujin dhe me chillin e regjur spërkatim fasulet. Shija që marrin është e fortë por jo djegëse.

Read more

Bizele me patate

Përbërësit

• 1 kg bizele
• 6 patate
• 6 domate
• 1 qep
• 1/2 vaj ulliri
• 2 qep te njoma
• 1 katror pule ose viçi
• Kripë, piper
• Një tufë kopër

Përgatitja 

• Lajm patatet i pastrojmë dhe i presim ne copa mesatare.
• Kaurdisim qepën e grirë hollë me vajin e ullirit dhe shtojmë bizelet, domatet e grira dhe një gotë ujë të nxehtë ku kemi shkrirë katrorin.
• Ziejmë në temperaturë te ulët rreth 10 minuta, më pas shtojmë dhe patatet, kopër, krip dhe piper.
• Ziejmë bizelet sa të trashet lëngu, dhe të jen zbutur dhe patatet.

Read more

Specofai me lukanika(spetzofai)

Përbërësit 

• 700 gr sallam i prerë në rrathë (lukanika)
• 1/2 filxhanit çaje vaj ulliri
• 1 qepë e prerë hollë
• 3 qepë të freskëta të prera hollë
• 3 thelpinj hudhër të prera hollë
• 2 speca të jeshile
• 2 speca të kuqe
• 1 karrot e prerë në rrathë
• 100 ml verë e kuqe
• 3 domate te freskëta të grira në rende
• 1/2 e lugës së kafes piper pluhur i kuq (paprika)
• 1/2 e lugës kafes piper djegës (bukovo)
• Krip
• Piper
• Një maj luge sheqer
• Djathë kaçkavall (meçavone ose kefalograviera)
• Majdanoz për të shërbyer

Përgatitja 

• Ne një tenxhere hedhim vajin e ullirit dhe kaurdisim sallamin.
• Heqim me një lugë me vrima sallamin dhe e vendosim në letër kuzhine te kullojë vajin.
• Hedhim ne vaj qepët hudhrat, specat, karotat e prera dhe i kaurdisim pakë. Shuajmë me verë dhe i lëmë deri sa të avulloj vera.
• Shtojmë domatet, krip, piper, piperin djegës dhe lemë te ziejnë për 15 minuta në temperaturë të ulët.
• Më pas shtojmë sallamin dhe i lëmë të ziejnë të gjitha bashkë për rreth 20 minuta të tjera.
• E lëmë gjellën të thithi lëngun dhe të mbetet me pak lëng të trash.
• Pak para se ta heqim nga zjarri shtojmë djathin.
• Zbukurojmë përsipër me majdanoz dhe shërbejmë.

Read more

Kokë lakre me oriz

Përbërësit për 4-6 racione

• 1 kokë lakre e mesme (lakrame)
• 1 qepë
• 4 karotat të mesme
• 250 gr oriz për supë (karolina)
• 60 gr vajë
• 3 domate të pjekura mirë ose 1 kuti lëng domate
• Kripë, piper

Përgatitja

• Pastrojmë lakrën dhe karotat i presim në copa i lajmë dhe i lemë të kullojnë në një kullës.
• Në një tenxhere hedhim vajin shtojmë qepën të prerë hollë dhe kaurdisim lehtë, shtojmë lakrën dhe karotat dhe trazojmë disa minuta me lugë druri.
• Pastrojmë domatet dhe i presim në copa të vogla i shtojmë në tenxhere (ose domatet konkase), shtojmë ujë dhe e lemë gjellën të gjysmë ziejë.
• Më pas shtojmë orizin, kripën dhe piperin. Mbulojmë tenxheren me kapak dhe lemë gjellën të ziejë për 15' minutat të tjera, shtojmë pak ujë të nxehtë nëse nevojitet.

Read more

Angjinare ograten (ogreten)

Përbërësit për 4-6 racione 

• 8-10 angjinare
• 250 gr djathë i grirë
• 150 gr gjalpë ose margarine
• 1 racion besamel i piktë
• 3- 4 l,s galete (bukë e thekur e grirë)
• Kripë, piper

Përgatitja

• Pastrojmë angjinaret nga fletët e forta dhe pushi i tyre.
• Fërkojmë angjinaret me limon dhe i hedhim në ujë që zihen ku më parë kemi hedhur kripë dhe lëng limoni. Kujdesemi mos të ziejnë shumë.
• Kullojmë angjinaret dhe i presim në copa të vogla, i spërkatim me gjysmën e gjalpit që kemi shkrirë më parë, shtojmë pak piper.
• Përgatisim beshamelin receta është këtu.
• Vajosim një tavë pyrex, hedhim një shtresë beshamel, spërkatim me djathë përsipër, vendosim angjinaret dhe i shtrojmë mirë përsipër të kenë të njëjtin nivel. Hedhim mbi angjinaret gjysmën e beshamelit të mbetur.
• Spërkatim me djathë dhe më pas me galete, spërkatim të gjithë sipërfaqen me gjalpin e mbetur dhe vendosim tavën në furrë të ngrohur paraprakisht në 200°C për 20 minuta, deri sa të marri tava ngjyrë të artë përsipër.

Read more

Lazanja me perime

Përbërësit 

• 2 lugë supe vaj ulliri
• 2 qepë të prera hollë
• 3 presh të prerë hollë
• Krip,piper
• Pak sherbelë i thatë
• Pak arrë myshku ose kanellë
• 3 kunguj të zier dhe të copëtuar
• 2 patate të ziera dhe të copëtuara
• 1,1/2 filxhanit të çajit krem qumështi (pana)
• 1,1/2 e filxhanit të çajit djathë i grirë parmezana
• 150 mg qumësht
• 9 fletë lazanja të gjata (180 gr)
• 1 lugë supe gjalpë
• 1 domate mesatare e pastruar nga zhapa dhe e grirë në kubik

Përgatitja

• Në një tigan të madh që nuk ngjitë nxehim vajin e ullirit në zjarr të avashëm. Kaurdisim qepën dhe preshin, për pak minuta sa të shkëlqej.
• Shtojmë domaten dhe vazhdojmë kaurdisjen deri sa të kenë pirë lëngjet e tyre, shtojmë krip piper.
• Ndezim furrën e sobës të ngrohet paraprakisht në 200 °C.
• Në një tas të mesëm, trazojmë kungullin dhe patatet me 3/4 e filxhanit krem qumështi dhe 1/2 filxhanit djathë parmezana, shtojmë erëzat sherbele dhe arrë myshku, krip, piper.
• Hedhim qumështin në një tavë të mesme dhe vendosim 1/3 e lazanjave.
• Pastaj shtojmë përzierjen gjysmën e kungullit me patatet dhe gjysmën e qepëve.
• Mbulojmë me një shtresë tjetër me lazanja.
• Hapim përsipër një shtresë me përzierjen e kungullit me patatet dhe qepës me preshin.
• Përziejmë kungullin që na ka mbetur me kremin e qumështit që na mbeti dhe e hedhim përsipër shtresës së fundit të lazanjave, duke i spërkatur me djathin parmezana që na ka mbetur, presim copa gjalpi dhe i vendosim përsipër tavës.
• Mbulojmë me letër alumini tavën dhe pjekim në furrë të ngrohur paraprakisht në 180° për rreth 20 minuta.
• Heqim letrën e aluminit dhe vazhdojmë pjekjen për 15 minuta të tjera të marrin ngjyrë.

Read more

Musaka me patate

Recetë tradicionale greke që gatuhet në shumë mënyra. Dhe pse receta klasike bëhet me patëllxhanë, kjo është një recetë më e lehtë me patate dhe me një krem kosi përsipër.

Përbërësit

• 5 patate të mesme
• 5-6 l,s vajë ulliri
• 600 gr mish viçi i grirë
• 1 qepë e madhe e grirë hollë
• 1 thelb hudhër e grirë hollë
• 3 l,s konjak
• 1 1/3 filxhan çaj salcë domate e hollë
• 1 l,s domate pelte
• 1 dru kanelle
• 1 l,k e prerë sheqer

Për kremin e kosit

• 200 gr kosë i trashë
• 2 vezë
• 1/2 filxhan çaji krem qumështi (pana)
• 1 filxhan çaj djathë kaçkavall i grirë
• Vaj ulliri ose kikirik për ti skuqur

Përgatitja

• Pastrojmë patatet, i presim në fleta dhe i vendosim në ujë të bollshëm me kripë që valon, për 3' - 4' minuta deri sa të zbuten.
• Nxjerrim me lugë me vrima patatet dhe i vendosim në letër kuzhine të kullojnë dhe të ftohen sa të bëjmë mishin e grirë.
• Nxehim vajin e ullirit në tigan të madh dhe skuqim qepën, në temperaturë të mesme për 3'-4' minuta. Shtojmë hudhrën trazojmë për 1 minutë akoma dhe shtojmë mishin e grirë shtypim me një pirun dhe e trazojmë mirë sa të ndryshoj ngjyrën. Shuajmë me konjakun dhe e lëmë sa të avulloj alkooli, shtojmë pelten e domates dhe e trazojmë të shkrijë, shtojmë salcën e domates, kanellën, sheqerin, kripën, piperin.
• Ulim temperaturën në gjysmë dhe e lëmë të ziejë për 15'-20' minuta duke u kujdesur të mbetet me salcë mishi.
• Vajosim një tavë të mesme dhe radhisim një shtresë patate. Spërkatim me pak kripë dhe shtrojmë përsipër gjysmën e mishit të grirë.
• Shtrojmë një shtresë tjetër me patate, hedhim gjysmën tjetër të mishit të grirë dhe shtrojmë një shtresë tjetër patate përsipër.

Për kremin e kosit

• Në një tas hedhim vezët kosin kremin e qumështit dhe i godasim mirë të behet një mas homogjene.
• Hedhim përsipër tavës kremin dhe në fund spërkatim me djathin kaçkavall.
• Pjekim në furrë të ngrohur paraprakisht në 180°C për 30' minuta sa të bëjë kore përsipër .

Read more