Si tu heqim zhapën bajameve ose lajthive dhe ti pjekim

Zbardhja

• Nëse në ndonjë recetë na nevojiten bajame ose lajthi të pastruara nga zhapa dhe të pjekura, mundemi ti bëjmë vetë, mos ti marrim të gatshme, veprojmë në mënyrën e mëposhtme.
• Vendosim bajamet ose lajthit në një tenxhere të vogël me ujë që vlon, duke u kujdesur që ti mbuloj, i lëmë 1-2 minuta, derdhim ujin e vluar dhe shtojmë ujë të ftohtë. I vendosim në një letër kuzhine dhe ju pastrojmë zhapën duke i shtypur një nga një me dy gishtat e para të dorës.

Pjekja

• Shtrojmë bajamet ose lajthitë në një tepsi që nuk ngjit, dhe i pjekim në furrën e sobës në 100 gradë 10-15 minuta varet se sa të pjekura i duam.
• Nëse i duam ti pjekim më shpejt dhe më shumë, i vendosim në tigan që nuk ngjit pa vaj në temperaturë të ulët, i trazojmë me lugë druri sa të marrin ngjyrën qe ne dëshirojmë.

Read more

Shije pule e bërë në shtëpi (katrorë)

Përbërësit

• 10 krahë pule
• 1 qepë e kuqe e thatë
• 1 qepë e bardhë e thatë
• 1 tufë koriandër rrënjët
• 1 shkop kanellë
• 3 fara kardhamo
• 2 degë rozmarinë
• 1 lugë kripë
• 3 fleta dafine
• 3 karota
• Degët e një selinoje
• 2 litër ujë

Përgatitja

• Në një tenxhere hedhim ujin dhe e lëmë të vloj. Shtojmë krahët e pulës dhe sa të vloj prapë heqim ujin e hedhim dhe shtojmë 2 litra ujë të freskët.
• Hedhim dhe të gjithë përbërësit e tjerë në një tenxhere presioni bashkë me ujin dhe krahët e pulës.
• Lemë tenxheren e presionit për 40 minuta që na momenti që fillon të bëj zhurmën karakteristike. Heqim tenxheren nga zjarri dhe e lemë deri sa të ftohet vetë.
• Hapim dhe ziejmë dhe për 30 minuta të tjera.
• Zgjedhim disa qepë, selino, dhe karotë dhe bluajmë në blender.
• Kullojmë pjesën tjetër të lëngut dhe shtojmë në të perimet që bluam.
• E lemë të ftohet dhe vendosim në frigorifer lëngun që na duhet për dy ditë.
• Lëngun tjetër e hedhim në format e akullit dhe e vendosim në frigorifer në ngrirje (kështu kemi katrorë me aromë pule). Përdorim 1 katrorë për një njeri sa herë gatuajmë.

Read more

Truke për shtëpinë dhe kopshtin

1. Shkrirja e akullit në frigorifer
Nëse është e nevojshme të shkrijmë akullin e frigoriferit shpesh, mësoni një mënyrë që do të bëj jetën tuaj më të lehtë. Në orën që bëni shkrirjen e akullit lyheni ose spërkateni me pak vajë bimësh atë, akulli do dali shpejt pas kësaj.

2. Tavolina e hekurosjes së rrobave
Nëse vini një letër alumine poshtë tavolinës së hekurosjes, hekurosja e rrobave do bëhet më shpejtë, pasi hekuri do djeg më shumë dhe temperatura do ruhet më gjatë.

3. Xhami dushit dhe kripërat
Nëse keni porta xhami në dush dhe jeni mërzitur duke i pastruar vazhdimisht nga kripërat apo mbeturinat e sapunit, provoni një mënyrë tjetër. Kalojini me një pecetë të butë ku keni hedhur baby oil. Do shpëtoni nga njollat për shumë kohë. Ujë, sapun dhe mbeturina të tjera do të kullojnë dhe kështu xhami do të jetë i pastër.

4. Zhbllokimi i tubove 1
Hidhni në tubë uthull të nxehtë pak nga pak. Lëreni 10-15 minuta dhe shpëlajeni më pas me ujë të nxehtë. Nëse është e nevojshme përsëriteni prapë.

5.Zhbllokimi i tubove 2
Hidhni në tubo një gjysmë gote sodë buke dhe një gotë uthull. Lëreni masën të shkumëzojë për 10 minuta dhe më pas hidhni ujë të nxehtë.

6. Lavaman i vulosur
Një mënyrë efektive për lavamanët e vulosur me yndyrë është të hidhni në tubo një gotë kripë dhe një gotë sodë buke dhe më pas ujë të nxehtë.

7. Soda dhe uthulla në tubet
Një gjysmë gote sodë dhe një gjysmë gote uthull mbanë tubet të pastra dhe njëkohësisht i dezinfekton ato.

8. Gërshërëza në shtëpi
Në pranverë hyjnë gërshërëza të vogla në shtëpi tuaj? thërrmoni në pluhur disa fleta dafine ose palme dhe spërkatni në pikat ku dyshoni se hyjnë gërshërëzat, (nuk do të afrohen më).

9. Soda e bukës për minjtë
A e dini se duke hedhur sodë në vendet që dyshoni se hyjnë minj në shtëpi apo në garazh, soda i largon, mbas disa ditësh fshini me fshesën elektrike dhe mblidhni sodën.

10.Insekte dhe parazitë
Një numër i madh insektesh dhe parazitësh që gjenden në bimë ose lule mund ti zhdukni me këtë masë. Në një shishe ujë hedhim një lugë supe sapun pjatash dhe një lugë supe vaj lule dielli, tundim mirë masën dhe lyejmë me të bimët dhe pemët që kemi brenda apo jashtë shtëpisë një herë në javë ose një herë në dy javë.

11. Kërmij (slugs)
Nëse keni kërmij pa guacë në kopshtin tuaj, hidhni në një pjatë të thellë një masë gjysmë birrë dhe gjysmë ujë, era do ti tërheq dhe masa do i mbys.

12. Insekticid natyral
Në tre filxhan ujë shtoni dy lugë supe hudhër të shtypur, një gjysmë filxhani majdanoz të grirë (të thatë) ziheni masën deri sa të mbetet dy filxhan ujë. Kullojeni dhe lëreni masën të ftohet. Spërkatni me këtë mas pemët lulet apo zarzavatet tuaja, është shumë efektivë për një numër të madh insektesh, i lirë dhe sigurisht i pa dëmshëm për shëndetin.

13. Temperatura e kaurdisjes
1. E mesme, 130-145 gradë për kaurdisje që përmbajnë ujë si patate dhe perime të tjera.
2. E lartë, 155-170 gradë për të lyera me miell apo me gjalpë.
3. Shumë e lartë, 170- 190 gradë për peshq të vegjël, si kallamarë apo kroketa.

14. Disk Cd dhe gërvishtje
Nëse disa nga Cd disqe të tuajat janë gërvishtur apo janë ndotur si konkluzion të mos punojnë mirë. Lyheni në sipërfaqen e poshtme të diskun me pak pastë dhëmbësh të zakonshme (jo gel) lëreni 5 minuta dhe më pas pastroheni me një pecetë të butë me push. 

15. Qirinjtë në frigorifer 

Nëse lini disa orë më parë se ti ndizni qirinjtë në frigorifer, zgjasin më shumë kohë.

16. Qiri në sende
Qirinj që kanë kulluar në shandan apo sende të tjera hiqet lehtë, nëse i vendosni në ngrirje në frigorifer për disa orë.

17. Gërvishtje në qelq
Kini pasqyra apo qelqe që kanë gërvishtjeje, provoni të fërkoni mbi gërvishtjet pak pastë dhëmbësh ( jo gel) me pak fërkim me një pecetë të butë bën mrekulli.

18. Krevati dhe kërcitje
Vendosni pak sprei salikoni do ta gjeni në dyqan hekurash, në këndet e krevatit do shmangni kërcitjen dhe zhurmën e tij sa herë ndërroni krahë.

19. Era e cigares
Në dimër që ndezim ngrohje kalorifer vendosni një tas xhami me ujë dhe pak uthull. Uthulla shpërbën erën e cigares dhe bënë më të shëndetshëm mjedisin.

20. Era e duhanit
Hidhni në tavllat e duhanit pak pluhur vanilje. Kështu sa herë do fikni cigaren do vijë erë vanilje, kështu mundë të bëni dhe në tavllën e makinës tuaj.

21. Erë myku
Nëse dollapët e kuzhinës tuaj mbajnë erë myku ose janë të pa ajrosur, zieni një filxhan qumësht të freskët dhe vendoseni në raftin e fundit. Mbylleni mirë derën dhe lëreni qumështin të ftohet. Kur të jetë ftohur hiqeni dhe do siguroheni që era e mykut është zhdukur.

22. Enë druri dhe fryrje
Që të mos fryhen dhe të prishen nga larja enët e drurit. Kur ti përdorni për herë të parë kaloni me një furçë të zhytur në vaj. Fshini mirë me letër kuzhine dhe lërini kështu për 24 orë. Sa herë që druja ju duket e thatë përsëriteni procesin prapë.

23. Enë druri në kuzhinë
Mos vendosni kurrë enët e drurit në lavatriçe pjatash (lugë druri, tase druri, dërrasën e prerjes). Temperatura e lartë do bëj drurin të çahet shumë shpejtë.

Read more

Si të heqim njollat në rroba

Kafeja

Ju ra kafe në rrobë të bardhë?
Kaloheni njollën në një përzierje uthull dhe alkool etilik (provojeni dhe në rrobë me ngjyrë nëse jeni siguruar më parë që nuk lëshon ngjyrë).

Ndryshku

Vendosni në njollë një fletë limoni ( më parë i kemi hequr zhapën limonit), mbi të vendosim një pecet të bardhë dhe më pas hekurosim me hekur të nxehtë sa duhet për rrobën. Nëse njolla nuk del e përsërisim prapë këtë metodë.
Mënyrë tjetër për ndryshkun: Vendosim kripë dhe limon mbi njollën dhe më pas lajm rrobën.

Njollë bari jeshil

Rroba me njolla bari, hedhim përsipër alkool etilik blu dhe në vazhdim lajm rrobën. 

Bojë stilolapsi

Me një zhapë banane në krahun e brendshëm të saj fërkoni njollën, ose me pak qumësht më pas laheni rrobën me dorë, nëse rroba është e bardhë, vendoseni rrobën në ujë me klor dhe fërkoheni.
Nëse bluza juaj është me ngjyrë lëreni të regjet në qumësht të vakt për disa orë dhe më pas laheni me ujë ku brenda kini shtrydhur limon.

Salcë e kuqe

Lëreni rrobën të regjet për një orë në ujë të nxehtë me glicerinë(do ta gjeni në farmaci) dhe njolla do zhduket.

Çamçakëz

Vendosim rrobën në frigorifer në akull, kështu çamçakëza do ngrij dhe do thyhet në copa.

Akullore

U lye bluza me akullore me çokollatë? Fërkoheni njollën me ujë me krip.

Njollë buzëkuqi

Mos e fërkoni rrobën nëse më parë nuk keni vendosur mbi njollën emulision fytyre ose alkool etilik dhe më pas e lajm.

Çantë lëkure

Fërkoni çantën ose këpucët prej lëkure me një pecet të regjur me qumësht, lëreni më pas të thahet dhe kaloheni me një rrobë të leshtë.

Zinxhir që nuk mbyllet

Kaloheni me majën e një lapsi.

Këpucët

Vendosim pak vazelinë atje ku na godasin këpucët.

Njollë vaji

Vendosni pak ilaç pjatash mbi njollën para se ta vendosni rrobën në lavatriçe.
Vendosni pudër bebe menjëherë mbi njollën e vajit dhe më pas e lani me ilaç enësh.

Gjaku

Nuk e lajm asnjëherë me ujë të nxehtë gjakun.lajm menjëherë me ujë të ftohtë dhe nëse nuk del njolla në 4 gota ujë hedhim ilaç enësh dhe 1 lugë supe amoniak e fërkojmë rrobën nga pjesa e brendshme.
Mënyrë tjetër: Në një legen me ujë të ftohtë hedhim kripë dhe vendosim rrobën për 2-3 orë.

Vera

Njolla e verës hiqet menjëherë me uzo vendosim një letër kuzhine në pjesën e poshtme dhe hedhim uzo ose mund të vini krip mbi njollën dhe vendoseni në ujë të ftohtë.

Manikyr thonjsh

Vendosim aceton mbi njollën dhe poshtë saj vendosim pambuk që të thithi ngjyrën, fërkojmë me një pecet dhe më pas lajm rrobën.

Read more

Llojet e miellit dhe përdorimi i tij

Sipas kodit ushqimor, miell quajmë pluhurin qe marrim nga bluarja e drithërave.

Miell të thjeshtë quajmë miellin e grurit që është marrë nga grurë i pastruar nga çdo përbërës tjetër organik. Është përbërësi kryesor i bukës kjo është arsyeja që bluarja e miellit duhet të ketë cilësi të mirë në ndarjen e tij nga himet. Varësisht nga bluarja e tij kemi dhe kategori e miellit, përqindja e miellit me proteinë e ndanë atë në miell të fortë apo të butë. Si shkallë bluarje kemi peshën e miellit të bluar që marrim nga 100 pjesë peshe gruri të pastruar.Kështu kemi miellin 55% që është për bukë të cilësisë së mirë bukë toste dhe bukë të thekur etj, produkte me përqindje proteine të lartë.

Mielli tip 70% i cili ka përqindje të ulët në hime,përdoret për bukën e zakonshme të bardhë. Ekzistojnë disa lloje mielli të këtij tipi: i forti i buti dhe demet që nuk është gjë tjetër veç se një lloj mesatar.Dallimet kryesore të mësipërme janë që vijnë nga drithëra të ndryshme të cilat ndryshojnë nga përqindja e përmbajtjes gluten ashtu dhe në forcën e glutenës.

Mielli tip 90% është i pasur në hime dhe elemente ushqyese është i përshtatshëm për bukë të zezë me vlerë të lartë ushqyese.

Mielli tip M vjen nga drithëra të forta dhe zakonisht ka ngjyrë të verdhë.nga ky miell zakonisht bëhet buka e fshatit me koren e sajë të veçantë. Mielli tip M i butë është mielli i zakonshëm për të gjitha përdorimet.

Mielli kategori P i ashtuquajturi luks. Është mielli që vjen nga kokrra me cilësi të lartë me gluten të përforcuar për të qenë shumë i fortë.

Në treg gjejmë gjithashtu:

Miell gruri 405 (për përdorim shtëpiak).
Miell gruri 550 (për bukë të bardhë dhe ).
Mielli i trashë i papërpunuar 1050.
Miell gruri të trashë 1700.
Llojet e miellit të Segalit 997 dhe 1150, idealë për bukë.
Segal i trashë 1800.
Miell sigali i trashë, 100% me aromë karakteristike (Farine de Seigle).
Miell 1100 i bluarjes 100%, i cili përmban tërë farën e grurit brenda
Miell që dyfishohet vetë
Mielli Campaillou, i cili përmban maja dhe brumë ardhës të thatë, duke dhënë një shije të veçantë të athtë brumit.
Miell tip 00 me origjinë italiane. Është pothuajse si mielli 550.Miell Organikë në shumë lloje të ndryshme.
Nëse vendosni të bëni bukë në shtëpinë tuaj, shmangni enët plastike. Përdorni enë druri ose balte dhe peshqir pambuku për të mbuluar përsipër brumin.

Zënia e para brumit 

Përziejmë në një tas miellin me pak ujë të vaktë. Përziejmë masën sa të bëhet një brumë pak i fortë. Mbulojmë tasin dhe e vendosim në një vend me temperaturë konstante 20 gradë.ditën tjetër shtojmë pak miell dhe pak ujë të vaktë dhe e përziejmë prapë të bëhet brumi si si ditën e parë. Njëlloj bëjmë dhe ditën e tretë. Ditën tjetër duhet të jenë bërë sytha përsipër brumit tonë dhe të ketë filluar të thartohet pakë dhe të jetë dyfishuar në vëllim.

Ruajtja e para brumit
Brumin e ruajmë në vazo të mbyllur në frigorifer,pasi i kemi hedhur pak vajë përsipër nuk prishet për një muaj. duhet ta nxjerrim nda frigoriferi disa orë para përdorimit ta lemë të aktivizohet (dyfishohet) në temperaturë ambienti. Nga para brumi mbajmë një copë sa herë bëjmë bukë për herën tjetër

Këshilla për brumin dhe miellin
Buka më e mirë bëhet me miellin e fortë që ka ngjyrë si të verdhë.
Mielli në treg përmban përmirësues ndajë dhe dyfishohet lehtë.
Nëse përdorim maja të thatë për bukën ose brumin nuk dyfishohet nëse heqim faktorin e temperaturës në hapësirë, kjo ndodh për shkak së majaja jonë është e dobët.

Shpjegim
Në një tas vendosim një copë brumë 250 gr që blejmë nga furra i lagjes.Tasin e vendosim në një dollap kuzhine me temperaturë konstante (jo ftohtë por jo dhe shumë nxehtë) dhe pa lagështi.
Brumi do fryhet avash avash dhe do trefishohet në vëllim. (do duhen të paktën 2 ditë) atëherë mund ta përdorim.
Një ditë përpara se të bëjmë bukë, në një tas 5 litërsh,hedhim brumin nga tasi që e kemi më parë i kemi hequr koren që është krijuar nga lartë. Shtojmë 1/2 nga kilja e miellit,pak kripë dhe ujë të vaktë bëjmë një brumë pakë të trashë.
Mbulojmë brumin dhe ruajmë në vend pak të ngrohtë( p,sh afër kaloriferit jo ngjitur në të).
Në këtë ambient , brumi do fryhet dhe do zërë të tërë tasin mbas 8-10 orë. Kjo është para brumë i plotë dhe me këtë mund të bëjmë 5 kile miell bukë me mënyrën e mëposhtme.
Bukën pasi e kemi zënë e mbajmë të mbuluar afër kaloriferit 2 orë pothuajse, kurë temperatura në ambient është 20 gradë ose 3 orë kur është 18 gradë. Poshtë 18 duhet të kemi kujdes të veçantë me kaloriferin ose ngrohësen.
Nëse nuk kemi rezultat (nuk shohim fryrje dhe të çara të vogla mbi brumë) dhe për 3 orë, brumi që përgatitëm është relativisht i pasuksesshëm.
Mund të bëni brumin nëse dështoj kulaç, e punojmë brumin prapë dhe e shpojmë me pirun në të gjithë sipërfaqen, dhe pjekim kulaçin.
Masa e mësipërme i referohen miellit të verdhë të fort;. Për miellin e butë është i nevojshëm më pakë para brumë.
Nëse në tasin tonë para brumi është trefishuar dhe nuk kemi në program për të bërë bukë, e vendosim atë në mirëmbajtje në frigorifer ku do të mirëmbahet për një javë. Ndoshta dhe më shumë.
Semolina është mielli që prodhohet nga bluarja e grurit të fortë dhe është bluar më i trash nga mielli i zakonshëm. Kategoritë e tij janë tre, kjo varet nga shkalla e bluarjes së tij.I bluari trashë përdoret në pastiçeri.
I hollë mund të përdoret për ëmbëlsira dhe brumëra të ndryshëm.
Semolina makaronash që përdoret për të prodhuar makaronat.

Read more

Masat në kuzhinë

Filxhani

• 
  
• 1 filxhanë = 250 ml = 200 gr
• 1/2 filxhan = 125 ml
• 1/3 filxhan = 80 ml
• 1/4 filxhan = 60 ml
• 1 filxhanë = 16 lugë supe
• 1 lugë supe =15 ml
• 1 lugë supe = 3 lugë kafeje
• 1 lugë kafeje = 5 ml
• 1/2 lugë kafeje = 2.5 ml
• 1/4 lugë kafeje = 1.25 ml
• 1 vezë = 50-55 gr
• 1 e verdhë veze = 20 gr
• 1 lugë kafeje baking powder = 5 gr

Mielli
1 filxhan = 140 gr
1 lugë supe = 10 gr

Bajame të plota
1 filxhan = 150 gr

Bajame të thërrmuara
1 filxhan = 150 gr

Kopër e grirë
1/2 filxhan = 1 tufë

Gjalpë
1 filxhan = 225 gr
1/2 filxhan =113 gr
1 lugë supe = 14 gr

Qumësht
1 filxhan = 240 ml

Kosë
1 filxhan = 260 gr

Sheqer
1 filxhan = 200 gr
1 lugë supe =12 gr

Sheqer pluhur
1 filxhan = 140 gr
1 lugë supe = 8 gr

Sheqer i zi
1 filxhan = 175 gr
1 lugë supe =13 gr

Arrë kokosi
1 filxhan = 90 gr

Kakao
1 filxhan = 90 gr

Arrë
1 filxhan = 105 gr
Arrë të coptuara =120 gr

Niseshte
1 filxhan = 120 gr

Krem qumështi
1 filxhan = 225 ml

Qepë e grirë
1 filxhan = 1 qepë e madhe

Vajë
1 filxhan = 220 ml

Majdanoz i grirë
1/2 filxhan = 1 tufë

Mjaltë
1 filxhan= 350 gr

Maja e thatë
1 pako= 2 1/4 lugë kafeje = 7 gr

Oriz
1 filxhan = 125 gr

Santigji
1 filxhan = 125 gr

Çokollatë
1 filxhan = 155 gr

Rrush
1 filxhan = 155 gr

Djathë i thërrmuar
1 filxhan = 110 gr

Lajthi të plota
1 filxhan = 150 gr

Lajthi të thërrmuara
1 filxhan = 105 gr


Mielli dhe të gjitha produktet e thata numërohen të pa ngjeshura në filxhan

Read more

5 këshilla të zgjuara për pastrimin e shtëpisë

Shikoni si me 5 këshilla të zgjuara mundemi të pastrojmë sipërfaqen dhe objektet e shtëpisë. Dhe më e çuditshmja është 5 materialet që që do zbulojmë si mund ti përdorim në pastrim. Ndaj mos besoni se filtri kafes është vetëm për të bërë kafe. Majoneza është vetëm për të marrë shije peshku. Lexoni dhe do shikoni!

1. Si do mblidhni glitter që rrëzoi vajza juaj e vogël në tapet, duke pikturuar një pikturë bashkë me shoqet e saj? Mos bërtisni sa të shihni copat mikroskopike në tapet, merrni rulin që pastroni rrobat nga pushi dhe kaloheni përsipër tapetit, do ngjiten të gjitha glitter në sipërfaqen rulit.

2. Si do hiqet ngjitësi i etiketave të çmimit nga pjatat dhe gotat? E thjeshtë kaloni me majonezë dhe gërryeni pak me sfungjerin e enëve.

3. Si do bëni tepsitë dhe zgarat e mishit të ndrijnë? Merrni një letër alumine, bëni një top të vogël hidhni pak sapun enësh dhe kaloni të gjithë sipërfaqe e tyre.

4. Si do pastroni pluhurin dhe gishtat nga ekranet kompjuterike apo të televizorit? Kjo është me të vërtetë e mahnitshme dhe nuk e imagjinoni se sa e çuditshme është përgjigjja ... Me filtrat e kafesë! Ju do të shihni sipërfaqet të ndrijnë!

5. Si do pastrojmë shkëlqyer portën e dushit nga sapuni dhe njollat? Me pecetat e buta me aromë për fëmijë! Tip fantastik!

Read more

Këto janë gjërat që bëjnë përditë njerëzit që kanë një shtëpi të rregullt

Ke një program të vështirë brenda ditës tënde, të kesh shtëpinë tënde të rregullt të duket e pamundur. Fillon javën me një shtëpi të pastër dhe të rregullt, kur ke kaluar fundjavën duke bërë punë, dhe harrin drejt fundit të javës, me pirgje rrobash të pa lara, me banjën e pistë dhe gjëra të hedhura nëpër shtëpi. Dhe vjen fundjava që të bësh prapë pastrimin e shtëpisë. Duke formuar kështu një rreth që i vjen vërdallë. Bëji vetes tënde një nder dhe vendosi disa zakone të vogla që do të ndihmojnë të mbash shtëpinë të rregullt dhe të pastër.

Dhoma e gjumit

• Në mëngjes
• Shtro krevatin tënd menjëherë sa të ngrihesh nga gjumi. Ky zakon do të japë energjinë që të duhet në mëngjes për të vazhduar ditën. Gjithashtu do të ndaloj të futesh prapë në krevat.
• Pastroje komodinën tënde në mëngjes. Një mënyrë e lehtë është të kesh një kuti me peceta të buta me aromë për.
• Kështu nuk është e nevojshme ta pastrojmë në fundjavë.
• Rregullo dollapin tënd para se të ikësh në punë. Vendos një kosh të vogël ose një qese ku do hedhësh çdo rrobë që nuk të bën apo nuk të pëlqen më. Në fund të muajit shiko çfarë ke mbledhur dhe pastroj rrobat e tua. Dhuroj çfarë nuk të hynë më në punë ose shiti apo hidhi.
• Vari menjëherë rrobat që veshe gjatë ditës nëse nuk janë për të larë. Kështu nuk ke për tu ndeshur me pirgje rrobash në fundjavë, me këtë mënyrë do dish kush janë të lara dhe të pa lara.
• Përdor kosha të ndryshëm për çdo person të familjes dhe në është e mundur dhe një për çarçafët. Me këtë mënyrë do kesh të ndara çarçafët nga rrobat.
• Vendos lavatriçen menjëherë sa të kthesh nga puna në shtëpi. Nëse janë mbledhur rroba për një lavatriçe. Me këtë mënyrë ke kohë të arrish ti hapësh të thahen.

• Banja
• Në mëngjes
• Spërkate dushin me pastrues çdo herë që e përdor. Pastroje lehtë dushin duke e spërkatur sipërfaqen në vazhdim shpëlaje dhe fshije me pecetë.

• Në mbrëmje
• Mblidhi raftet. Nëse në mëngjes je e nxituar për të çuar prapë në vend të gjithë produktet që përdore, në darkë është ora e duhur.
• Pastroje tualetin në darkë gjatë rutinës së mbrëmjes. Për sa kohë që ju duhet për të larë dhëmbët dhe të heqësh makijazhin kaq kohë duhet dhe një pastrues vc për të vepruar. Lëreni të veproj dhe më pas fshiheni me pecetë.
• Fshini sipërfaqen menjëherë sa të mbaroni me rutinën tuaj kaloni me një pecetë sipërfaqet e përdorura. Kështu do keni gjithmonë një banjë të pastër.

• Në mëngjes
• Boshatisni lavatriçen e pjatave ndërkohë që bëni kafen. Do jetë gati për pjatat që përdore në mëngjes dhe nuk do kesh një stivë me pjata për të larë në lavaman.
• Pastroje një njollë menjëherë sa ta shikosh. Është më e lehtë të shikosh njollat në dritën e ditës, ndaj jepi vëmendje në mëngjes.
• Ndërro pecetën e pjatave sepse duhet ndërruar shpesh me të pastër. Hidhe menjëherë në kosh me të palarat.

• Në mbrëmje
• Pastro në kuzhinë ndërkohë që gatuan. Ekzistojnë dy lloje kuzhinierësh në botë ata që gatuajnë dhe bëjnë dhe mbledhjen e kuzhinës në të njëjtën kohë dhe ata që nuk e bëjnë. Merë zakonin e kategorisë së parë dhe fillo me përgatitjen e gatimit dhe në vazhdim me pastrimin e kuzhinës.
• Menjëherë sa të jetë përgatitur gjella, lajë enët që përdore dhe shijoje ushqimin tënd.
• Mbushe lavatriçen dhe vëre në punë mos e lerë për në mëngjes, sado që preferenca jote të jetë një film tërheqës
• Pastro sipërfaqen e kuzhinës. Fshi furrën me mikrovalë menjëherë sa e ke përdorur.
• Do të zgjohesh dhe nuk do ta besosh kur të shohësh kuzhinën tënde kaq të pastër.

• Salloni
• Në mëngjes
• Vendos një shportë në sallon. Një herë në ditë hith një sy në sallon dhe mbushe me objektet që shihni të hedhura atje këtu dhe lëreni afër hyrjes shportën. Menjëherë kur të kthehesh vendosi objektet në vendin e tyre.

• Në mbrëmje
• Fshije tavolinën e kafesë dhe tavolinat e tjera gjatë reklamave në tv.
• Shkundi jastëkët e divaneve menjëherë sa të ngrihesh nga salloni dhe të fikësh televizorin.

• Hyrja
• Në mëngjes
• Vendos çantën, çelësat dhe pallton në të njëjtin vend kështu është më lehtë të ikësh në mëngjes na shtëpia, duke patuar të gjitha çfarë të duhet të organizuar.
• Merë mbeturinat dhe riciklimin kur dilni na shtëpia.

• Në mbrëmje
• Mos lini çantën e palestrës në shesh. Vendosni rrobat e pista në kosh me të palara dhe boshatisni çantën.
• Vendosni korrespondencën në vendin e duhur dhe ndani llogaritë në të paguara dhe jo të paguara.

Read more

Feng Shui vendosni pak energji pozitive në shtëpin tuaj

Si mund ta bëjmë shtëpinë parajsën tonë? Nuk është e vështirë. Mjafton të ndjekim disa nga udhëzimet bazë të Feng Shui, të cilat kanë të bëjnë me energjinë pozitive, harmoninë dhe rregullin. Ashtu siç përkthehet fjala Feng Shui = ajër dhe ujë, është një filozofi Kineze e lashtë më shumë se 5000 vjeçare, ligjet e natyrës janë ato që duhet të mbizotërojnë në mjedisin në të cilin jetojmë, nëse duam të ndihemi të lumtur, të shëndetshëm, të fuqishëm dhe të lirë. Edhe pse suksesi i filozofisë feng shui nuk është provuar shkencërisht, të gjithë ata që kanë ndjekur parimet e tija janë të betuar për të.

• Hyrja e shtëpisë
• Hyrja e shtëpisë është, sipas Feng Shui, e gjithë energjia pozitive. Kujdesuni që hyrja të jetë e pastër dhe e ndriçuar largoni gjërat që nuk ju duhen sepse ndalojnë energjinë pozitive të hyjë.
• Akoma mendoheni të ndryshoni ngjyrën e portës së shtëpisë? Lyejini jeshile që të ju sjellë rritje në mirëqenie, të kuqe që të ju sjellë pasuri, blu që të ju sjellë qetësi ose kafe që të keni stabilitet. Megjithatë vetëm ndërrimi i ngjyrës së portës mund të ju sjellë në humor të mirë.
• Pastroni dhe ajrosni
• Rrëmuja mundë të shkatërroj çdo energji pozitive në shtëpi, ndaj pastroni dhe hidhni çdo gjë që nuk ju hynë në punë, ajrosni mirë të gjitha ambientet në shtëpi. Ajri dhe energjia duhet të qarkullojnë të lira në ambientet tuaja, rrëmuja mund ti ndaloj dhe t ju mbaj në të kaluarën tuaj.
• Hidhni sendet e thyera, zëvendësoni llambat e djegura, hiqeni sendet që si keni përdorur për më shumë se një vit. Kurë të keni mbaruar me këto lani mirë duart me ujë të rrjedhshëm për një kohë të gjatë që të iki çdo energji e keqe që ka mbetur në duart tuaja nga i gjithë ky proces.
• Tryeza
• Tryeza është një vend shumë i rëndësishëm, ndërsa atje mblidhet e gjithë familja për të ngrënë, është një vend ku jepet mundësia për të përforcuar marrëdhëniet ndër mes anëtarëve të saj.
• Krijimi i një Feng Shui të mirë në këtë vend do forcoi marrëdhëniet midis anëtarëve të familjes dhe do ndihmojë për krijimin e bazave për sukses në shumë fusha të jetës.
• Pothuajse të gjitha veprimet për feng shui në sallon janë të vlefshme dhe për vendin e ngrënies. E para dhe më e rëndësishmja, është që ambienti të jetë i organizuar në këtë mënyrë që energjia të qarkulloj e lirë.
• Tryeza në ditët e sotme zakonisht nuk është veç, por në të njëjtin ambient me sallonin ose kuzhinën. Nëse hapësira është e madhe dhe e përbashkët, ku është dhe tryeza dhe salloni apo kuzhina, e mira është të ndahet me ndonjë mënyrë. Vendosja e mobilieve me mënyrë që të ndahen këto dy ambiente është një zgjedhje e mirë p.sh një bibliotekë ndan dy ambientet nga njëri tjetri. Një mënyrë tjetër është një rrjetë prej druri që mundë të ketë bimë zvarritëse apo sende zbukurimi, korniza.
• Vendi i tryezës duhet të jetë i thjeshtë, i nxehtë dhe i këndshëm, i zbukuruar me piktura dhe sende dekorimi. Që të ketë balancë në tryezë në përgjithësi Feng Shui imponon kontraste të ngjyrave si p.sh ngjyra të hapura në mure dhe ngjyra të errëta në mobilie. Perdet e rënda është e mira ti shmangim sepse ato krijojnë një klimë klaustrofobike dhe të lodhshëm.
• Në tryezë duhet ti shmangemi ndriçimit të fortë pasi nuk ndihmon në rehatin dhe relaksin tonë. Zgjedhja ideale është llambat e rregullshme që nuk konsumojnë shumë energji dhe ndihmojnë në rehatimin tonë.
• Për sa i përket mobilieve Feng Shui sugjeron që ato mos të kenë kënde të mprehta dhe të preferohen tavolina të rrumbullakëta ndaj atyre drejtkëndëshe, tavolinat e rrumbullakëta krijon ndjenjën e barazisë midis të pranishmëve.
• Karrigia që ulet kryefamiljari i shtëpisë duhet të jetë përballë me derën ose përballë një dritareje.
• Materiali më i mirë për tryezën është druri, i cili si material natyral ka një energji pozitive dhe kontribuon në paqen dhe qetësinë gjatë ngrënies.
• Feng Shui të mirë në ambientin e ngrënies krijon një pasqyrë e cila jo vetëm përforcon dritën natyrore por gjithashtu krijon iluzionin se hapësira është më e madhe.
• Në zyrë
• Vendosni disa presse-papiers të cilat funksionojnë jo vetëm si dekorative të bukura por nxisin zhvillimin dhe stabilitetin. Sidomos presse- papiers të rrumbullakëta simbolizojnë stabilitetin e planetit, dhe ato të kristalta rritin begatinë. Vendosini mbi çeqet që mund të keni marrë por jo në faturat që nuk i keni paguar ende.
• Bimë në ambientin e brendshëm
• Bimët brenda në shtëpi ndihmojnë në lëvizjen chi dhe kështu dhe në energjinë e mirë, veçanërisht në ambientin e punës. Preferoni bimë të mëdha si zambakët, bambu dhe disa të tjera që quhen Jade. Nëse shtëpia juaj është e vogël preferoni një bimë më të vogël (por jo asnjë). Sigurohuni që bimët tuaja janë të shëndetshme dhe të ujitura mirë dhe ato do t'ju shpërblejnë për këtë.
• Perdet dhe paravanet
• Perdet dhe paravanet janë shumë të popullarizuara në filozofinë kineze, përtej bukurisë dhe zgjidhjes praktike që japin, mund të bllokojnë energjinë e cila rrjedh shpejtë- ideale është që energjia të rrjedh normalisht në një shtëpi. Kështu nëse porta kryesore e juaja është për drejtë me atë të pasmen energjia do të kaloj shumë shpejt nëpër shtëpi pa ndonjë përfitim. Një perde e hollë do ndihmonte, gjithashtu dhe një paravan i cili është ideal për të ndarë hapësirat si p.sh zyrën dhe sallonin.
• Muzika
• Mundë të dëgjohet e tepruar por një shtëpi ku nuk dëgjohet asnjëherë muzikë mund të jetë plotë me energji negative, kjo gjë mund të jetë negative për gjendjen shëndetësore dhe shpirtërore të familjes tuaj. Një mënyrë e mirë për të balancuar situatën është të vini muzikë kurë pastroni shtëpinë, kështu do të largoni energjinë negative dhe vendin e saj do e zërë ajo pozitive, është e rëndësishme të dëgjoni muzikë të paktën 10 minuta në javë.
• Sipas Feng Shuit pajisje të tilla si sterio televizor magnetofon kabull e.t.j duhet të qëndrojnë të mbyllura në dollap kur nuk përdoren, pasi ato konsiderohen si prurës të energjisë negative në një shtëpi, sepse krijojnë fusha elektromagnetike.Kështu që ardhja juaj në kontakt me to duhet të jetë sa më e pakët të jetë e mundur.
• Dhoma e gjumit
• Në orën e çlodhjes ju duhet të shijoni gjumin pa ndërprerje, vetëm kështu do të jeni të suksesshëm dhe produktiv në jetën tuaj. Për të zvogëluar qarkullimin negative të chi sigurohuni që keni orën me alarm të paktën një metër larg krevatit tuaj. Shmanguni të vini televizor në dhomën ku flini por dhe nëse keni mundohuni të jetë i mbyllur brenda një dollapi në orën që flini.
• Burimi Houzz

Read more

40 truke për ekonominë në shtëpi:

Ashtu si më të shumtat gjëra në jetë, kështu dhe ekonomia fillon nga shtëpia. Masat më të pakta që mund të marrim për të zvogëluar harxhimet në energji dhe ujit do bënin ekonomi në një sasi jo të parëndësishme në vitit. Por pak izolimi jo i mirë i shtëpisë, pak përdorimi i panevojshëm i pajisjeve shtëpiake, shpërdorimi i ujit të tepërt pa qenë nevojshme fryjnë faturat dhe na shkatërrojnë nervat.

Këtu janë 40 truke të mbledhura nga ekonomia e shtëpisë. 

Në kuzhinë dhe në gatim

• Uleni gradën e ngrirjes në frigorifer në dimër. Në përgjithësi një temperaturë 4-5 gradë celsius në mirëmbajtje mundë të mirëmbaj ushqimet për disa ditë pa i ngrirë, kurse një temperaturë 15-17 nën zero është e mjaftueshme për të mirëmbajtur ushqimet e ngrira dhe të prodhoj akull.
• Mbylleni furrën dhe rrathët e sobës pak më përpara se të ndaloni gatimin. Temperatura që ka është e mjaftueshme për të përfunduar gatimin.
• Vendosni imagjinatën tuaj në gatim ju nuk keni nevojë për materiale të shumta dhe të shtrenjta, receta të komplikuara dhe shumë kohë për ti realizuar ato. Ju duhen vetëm shumë vazo me erëza gatimi dhe oreks të mirë.
• Mbuloni tenxheret dhe tiganët me kapak kur gatuani. Do përfitoni gjysmën e kohës dhe korrentit.
• Bëjeni çajin në çajerë në vend që të vini çdo faqe në çdo filxhan.
• Mos mbushni frigoriferin me ushqime të pa nevojshme. Ajri duhet të qarkulloj pa asnjë pengesë brenda tij,për të mirëmbajtur ashtu siç duhet ushqimet, temperaturën dhe lagështin, dhe mos të konsumoj energji elektrike të tepërt.
• Mos bëni kursim në furrën me mikrovalë. Përdoreni sa më shumë të jetë e mundur, pasi sipas studimeve shkencore konsumon shumë më pak energji elektrike sesa një rreth sobe apo furrë, plus që lëshon më pak ngrohje.
• Kur përdorni furrën e sobës mos e teproni me para ngrohjen e tij. Nëse ushqimit i duhet më shumë se një orë të piqet, mund të piqet njëlloj mirë dhe nëse e fillojmë pjekjen në furrë të ftohtë.
• Mos hapni furrën e sobës shpesh për të parë gjendjen e gjellës. Sa herë e bëni temperatura e furrës bie 10-15 gradë dhe do prapë më tepër energji të ngrihet prapë.
• Në frigorifer në grirje. Nëse për ndonjë arsye ju mbeti shumë gjellë, vendosni gjellën e freskët (sa të ftohet) në ngrirje në frigorifer.
• Mbani kockat e mishit për të bërë shije mishi, janë shumë më të mira nga shijet e gatshme dhe bëhen shumë lehtë.
• Tenxheret dhe tiganët që përdorni duhet të kenë madhësinë e rrethit të sobës as më të vogël as më të madh, ndryshe konsumoni energji elektrike dhe para më tepër.
• Blini letër banje dhe kuzhine në treg me çmim të ulët, nuk është e nevojshme të përdorni të cilësisë së mirë.
• Mos shkurtoni buxhetin e detergjenteve. Do paguani gjysmën e çmimit, por do tju duhet dyfishi i detergjentit për të pastruar. Kështu që do shpenzoni njëlloj dhe ndoshta dhe më shumë.
• Hapeni çdo fletë të letrës kuzhinës në mes që të dyfishoni kohëzgjatjen e saj. Gjithsesi shumica e letrave të kuzhinës në treg bëjnë thithjen e lagështisë më shumë se sa duhet, për përdorimet e ndryshme të saj.

Në dhomat e gjumit

• Një mënyrë e thjeshtë për të ulur konsumimin e energjisë është të izoloni boshllëqet rreth dritareve dhe dyerve dhe kanalet që kalojnë tube. Në mënyrë që mos të hyj i ftohtë në shtëpi. Do të ju duhet llaç dhe shirit Izolues, me një buxhet të vogël nëse punën e bëni vetë.
• Perdet e dritareve veç dekorimit të shtëpisë mund të bëjnë ekonomi dhe të kërcejnë para të mjaftueshme, në dimër për ngrohje dhe në verë për ftohje. Nëse kini shumë dritare që shohin në jugë dhe perëndim, një perde edhe e lirë mund të bllokoj dritën e diellit dhe të zvogëlojnë nevojën për kondicioner në verë. Duke vënë perde e duhura në dritare bëni ekonomi në ngrohje në dimër apo ftohje në verë.
• Përdorni llambat e kursimit të energjisë. Këto lloj llambash kursejnë 75% më pakë energji dhe jetëgjatësia e tyre është 6 deri në 12 herë më shumë se e atyre të thjeshtave. Përdorimi i tyre zvogëlon koston e tyre vjetore mjaftueshëm.
• Nëse kini oxhak mblidhni boçe pishash kur të bëni xhiron tuaj në pyll, për të siguruar ndezjen e zjarrit por mund të mblidhni dhe dru të hedhura në ndërtesa të reja, degë pemësh, paleta etj. Kështu nuk do blini dru me kosto të larta dhe jo të cilësisë mirë.
• Hiqini nga priza pajisjet elektrike kur nuk i përdorni. Edhe pse janë në prizë ato konsumojnë energji elektrike.
• Blini termostate elektronike që ju lejojnë të keni kontrollin në kondicioner apo kalorifer. Mund të caktoni kohën kur do hapen apo do mbyllen dhe kështu do jeni të qetë për shpenzimin e tepërt.
• Nëse instalimi i sistemeve kondicioner të ajrit është shumë i rëndë për xhepin tuaj, alternativa është freskuesja e thjeshtë.

Në banjë

• Mbylleni dushin e ujit të nxehte në kohë. Me siguri do të keni kujtime nga thirrjet e nënës suaj: "Mos e lini dushin e ujit të ndezur për 200 orë, paratë nuk rriten në pemë!" Edhe nëse nuk keni pasur "fatin" për ta dëgjuar këtë, duhet ta dini se dushi ujit të ngrohtë është një nga pajisjet më të shtrenjta në konsumimin e korrentit. Pra, nëse doni të kurseni në shtëpi, duhet ta mbyllni atë sapo të arrijë temperaturën e dëshiruar.
• Blini telefon dushi që kursen ujë dhe vendosni filtra të përshtatshëm për kursim në çezma. Funksionimi i tyre është i bazuar në një parim të thjeshtë: Ndërmjet disa hapësirash, uji përzihet me ajër për të rritur shpejtësinë e tij dhe e ndjen që rrjedh në të njëjtën sasi si një dush normale, edhe pse konsumi është ulur të paktën 40%.
• Lavatriçen e rrobave vendoseni në temperaturë të ulët (në 30 gradë për larjen e rrobave të përditshme) dhe në program që na lejon ngatërrimin e ngjyrave, kështu e përdorim më rrallë. Vetëm në rroba me njolla përdorni temperaturën 40° deri në 60°.
• Blini një kasetë wc me dy butona që zgjidhni do ta shtypni ujin të gjithë apo gjysmën.
• Preferoni sapunët ndaj shampos për dush, zgjat më shumë, sapunët e gjeneratës së fundit janë të pasuruar me krem zbutës dhe s'kanë as një dallim nga shampua e trupit për lëkurën.
• Mblidhni ujin që rrjedh gjatë larjes së dhëmbëve apo të duarve në një legen dhe hidheni në wc kur e përdorni.
• Mos e hidhni fletën e sapunit të shkrirë që ka mbetur bashkoheni me të riun që të zgjasë më shumë.
• Prisni tubat që përmbajnë pastë dhëmbësh, make up, krem floku me gërshërë do të habiteni se sa përmbajtje hidhni sa herë, duke menduar se janë boshë.
• Mos harxhoni ujin e dushit deri sa të vijë në temperaturën e duhur. Mblidheni në një legen ta përdorni më vonë për të vaditur lulet ose për wc.

Në kopsht

• Mbillni bimë dhe erëza që përdorim në kuzhinë. Do kurseni thjeshtë para, do keni gjithmonë produkte bio të freskëta.
• Përdorni ujitje automatike me lotim. Siguron ekonominë e ujit, ndërsa nuk kërkon prani njerëzore.
• Mos hidhni mbeturinat bimore. Bëjini pleh kështu siguroni një pleh me veti të larta biologjike.
• Mos vendosni llamba të thjeshta. Vendosni llapma me kolektor diellor, kështu kurseni koston e instalimeve elektrike dhe energjinë që do të konsumojnë.
• Shpërndani hirin e oxhakut në kopshtin tuaj. Jo vetëm që rritë përbërjen e dheut por mbron dhe nga kërmijtë dhe slugs që hanë fletët e luleve.
• Mbushni kopshtin tuaj me pemë frutore. Përveç se do të duket i mrekullueshëm ju do të keni fruta bio falas gjatë gjithë vitit.
• Nëse do të blini bimë ose pemë nga një bimore, preferoni të voglat dhe ato më rrënjë. Janë më të lehta për t'u përshtatur dhe kushtojnë më pak. Edhe më mirë nëse janë të vitit të kaluar apo të parvjetme. Ata kanë duruar tashmë në kushte të vështira, plus pronari i bimores do të dojë ti heqë qafe dhe do i shesë me një çmim mjaft të ulët.
• Jepini diçka më shumë për të blerë mjete cilësore. Në një afat të gjatë, do nxjerrin paratë e tyre, në krahasim me ato më të lira që ju mund të kenë nevojë të ndryshoni çdo vit.
• Kujdesuni vetë për kopshtin tuaj, duke kursyer paratë që do të jepni për një kopshtar.

Read more