Byrek me spinaq dhe djathë

Përbërësit

• 1 pako petë të blera për ëmbëlsira (krusta) nëse dëshirojmë i bëjmë vet petët.
• 1.1/2 kg spinaq
• 2 presh
• 5 qepë të njoma
• Një tufë kopër
• 1 qepë e thatë
• 1 filxhan kafeje oriz (sipas dëshirës)
• 250 gr djathë i bardhë
• Kripë, piper

Përgatitja

• Pastrojmë dhe presim spinaqin në një tas të madh.
• Lajmë dhe presim në rrathë preshtë dhe qepët e njoma dhe të thatën.
• I vendosim të gjitha në tas dhe hedhim pak kripë.
• Vrasim me dorë mirë spinaqin me qepët dhe preshin shtojmë kopër, piper dhe kripë përziejmë dhe shtrydhim të iki lagështia e tepërt.
• Në tepsi që nuk ngjitë shtojmë pak vaj e hapim në të gjithë tepsin dhe shtrojmë gjysmat e petëve duke i spërkatur me vajë përsipër 1 në 2 petë e lëmë të dal nga tepsia për të mbyllur në fund byrekun, të tjerat i shtrojmë duke i mbledhur brenda në tepsi.
• Hedhim masën e spinaqit duke e shtruar mirë dhe përsipër shtojmë djathin e thërrmuar, hedhim dhe orizin për të mpirë lagështin e tepërt.
• Me një lugë trazojmë lehtë spinaqin dhe shtojmë gjysmat e petëve të tjera të gjitha brenda në tepsi duke i mbledhur dhe i spërkatur me vajë.
• Mbyllim byrekun me petët që kemi lënë jashtë dhe presim në copa katrore, hedhim përsipër vajë dhe spërkatim me pak ujë me dorë byrekun.
• Pjekim në furrë të para ngrohur 180°C për 30' - 40' minuta.

Read more

Byrek me spinaq dhe vezë

Përbërësit

• 1 1/2 kg spinaq
• 150 gr vajë
• 1 tufë kopër e prerë hollë
• 1 tufë majdanoz i prerë hollë
• Qepë të njoma
• 250 gr djathë i bardhë i fortë
• 1/2 kg petë të holla ( krusta)
• 100 gr qumësht pana i pa shtuar me ujë
• 4 vezë
• Kripë, piper

Përgatitja

• Pastrojmë dhe lajmë mirë spinaqin, e presim hollë sa mundemi, e vendosim në një tas, spërkatim spinaqin me pakë kripë dhe e lemë të kullojë.
• Pastrojmë mirë qepët e njoma, majdanozin dhe kopër, i grijmë të gjitha bashkë. Shtrydhim mirë spinaqin të iki i gjithë uji.
• Në një tas hedhim spinaqin shtojmë dhe qepët me erëzat, djathin të thyer në copa të vogla, piperin dhe gjysmën e vajit.
• Godasim vezët me qumështin dhe e shtojmë bashkë me spinaqin, trazojmë mirë të gjithë përderësit.
• Në një tepsi të mesme të lyer me vajë shtrojmë gjysmat e petëve duke i lyer me vajë shtrojmë mbushjen mirë të jetë e njëjtë në të gjithë sipërfaqen, palosim petët nga brenda.
• Shtrojmë dhe gjysmat e petëve të tjera përsipër të lyera me vajë, presim petët që teprojnë jashtë tepsisë.
• Presim byrekun në copa, spërkatim me vajin e tepruar, dhe pakë ujë.
• Pjekim byrekun në furrë të para ngrohur në 180°C për 1 orë.
• Nxjerrim byrekun nga furra dhe e lemë 30 minuta të ftohet më pas shërbejmë.

Read more

Petë sfoliata

Përbërësit

• 400 gr miell
• Një maj luge kripë
• 250 ml ujë i ftohtë frigoriferi
• 1 lugë supe lëng limoni
• 400 gr gjalpë i cilësisë së mirë

Përgatitja

• Punojmë gjalpin me një shpatull e formojmë në formë drejtkëndëshi (8×12×1,5 cm) e lyejmë me miell dhe e vendosim në letër vajore. Vendosim në frigorifer.
• Sitim miellin dhe bëjmë në mes një gropë të vogël, hedhim kripën dhe limonin dhe më pas ujin pak nga pak.
• Punojmë brumin sa të behet i butë të ngjisi pak në duar.
• Punojmë brumin 20 minuta dhe e godasim disa herë të bëhet elastik.
• Lyejmë duart me ujë të ftohtë shpesh herë mos të bëhet i ngurtë.
• Kur të jetë bëre një brumë elastik e vendosim në një pecetë dhe e hapim me pecin në formë katrore,vendosim në qendër gjalpin, ngremë cepat, i palosim mbi gjalpin dhe i mbyllim.
• E mbledhim me letër vajore dhe e vendosim në frigorifer për 20 minuta.
• Hapim prapë brumin me pecin mbi pecetën me miell, duke bërë prapë një formë katrore të cilën e palosim më tresh. E vendosim në frigorifer dhe për 20 minuta të tjera.
• E përsërisim procedurën dhe për 4 herë të tjera, mbas herës së 6 vendosim brumin për 20 minuta të tjera në frigorifer, dhe është gati për të përdorur.

Read more

Byrek të vegjël me petë sfolit dhe djathë

Përbërësit

• 1 pako brumi sfoliat 500 gr
• 480 gr djathë i bardhë ose parmexan
• 3-4 vezë
• 2 l,s qepë e grirë hollë

Përgatitja

• Presim sfoliatën në copa të rrumbullakëta me ndihmën e një gote uji.
• Godasim vezët dhe i përziejmë me djathin dhe qepën e grirë.
• Vendosim në qendër të çdo pete një lugë nga masa që përgatitëm, mbyllim anët e brumit duke i shtypur me një pirun.
• Vendosim byreqet në një tepsi të lyer me gjalpë i lyejmë me pak vezë përsipër dhe pjekim në furrë të para ngrohur 180°C për 20 minuta deri sa të marrin ngjyrë të artë përsipër.
• I shërbejmë të ngrohtë.

Read more

Byrek me presh

Përbërësit

• 1 kg presh
• 1 filxhan çaj oriz
• 1 filxhan qumësht
• 1 kuti kosë 200 gr
• 4 vezë
• 500 gr djathë i bardhë dhe graviera i përzier
• 3 filxhan çaje vajë dhe gjalpë i përzier
• 1 lugë e vogël kripë

Për petët

• 1 kg miell
• 3 lugë supe vajë
• 1 lugë e vogël uthull
• Pak kripë
• Ujë sa të marri brumi

Përgatitja

• Presim preshin hollë, e lajmë dhe i kullojmë.
• Ziejmë pak orizin dhe e kullojmë
• Ziejmë preshtë 3 minuta të zbuten dhe i kullojmë.
• Hedhim në një tenxhere preshtë bashkë me qumështin të ziejnë pak minuta. Bluajmë djathin në rende, dhe godasim vezët, bashkojmë mbushjen në një tas ku shtojmë dhe kosin, pak kripë (kemi djathin të kripur). Hedhim preshtë në tasin me masën që përgatitëm më parë.
• Zëmë brumin e lëmë 10 minuta të çlodhet dhe më pas hapim petët.
• Shtrojmë gjysmat e petëve në tepsi hedhim mbushjen përsipër dhe shtrojmë petët e tjera duke i lyer me vajë dhe gjalpë.
• Hedhim përsipër byrekut vajin dhe gjalpin e mbetur dhe pak qumësht.
• Pjekim byrekun në furrë të nxehur paraprakisht për 1 orë.
• Kur të ketë filluar të fryhet byreku ulim temperaturën të piqet avash.
• Presim në copa trekëndëshe dhe shërbejmë.

Read more