Patëllxhan turshi

Përbërësit

• 1 kg patëllxhan të vogla
• 1/2 kg uthull
• 1/2 kg vajë
• 2-3 karota
• 1 hudhër
• Selino
• Kripë

Përgatitja

• Lajmë patëllxhanët, presim bishtat i çajmë në mesë për së gjati duke u kujdesur mos të ndahen.
• Në një tenxhere hedhim ujë me një lugë supe kripë dhe 50 gr uthull hedhim patëllxhanët brenda dhe i lëmë të ziejnë për 10 minuta. 
• Vendosim patëllxhanët në një kullesë dhe i lemë gjithë natën të kullojnë mirë.
• Presim hollë hudhrat,  karotat dhe selinon shtojmë pak kripë dhe mbushim patëllxhanët që çamë. 
• Lidhim fortë patëllxhanët me degë selinoje dhe i vendosim në vazo xhami ose balte në radhë.
• Mbulojmë me vajë dhe uthullën e mbetur. 
• Lemë vazon në vend të freskët për 10 ditë dhe më pas përdorim patëllxhanët.