Përbërësit
- 1 kg bakaliaro i freskët ose 500 gr i gatshëm i prerë fileto
- 1/2 filxhan vaj ulliri
- 1 qepë e madhe e prerë trash
- 2 karota të prera në rrathë
- 4 degë selino
- 3 patate në copa
- 1 copë e vogël xhenxhefil (sipas dëshirës)
- Lëng nga një limon
- 4 fije majdanoz i prerë hollë
- Kripë, piper
Përgatitja
- Në një tenxhere të thellë dhe në zjarr të lartë nxehim vajin dhe skuqim qepën, karotat, selinon, patatet dhe xhenxhefilin (nëse e përdorim).
- Mbulojmë me ujë dhe hedhim kripë.
- Numërojmë pjesët dhe hedhim ujë 1 pjatë e thellë për njeri dhe 1 pjatë për tenxheren (nëse kemi 4 racione hedhim 5 pjata ujë).
- Mbulojmë tenxheren dhe ziejmë në zjarr të avashëm sa të s'buten karotat dhe patatet.
- Shtojmë peshkun që kemi zier dhe pastruar më parë dhe ziejmë për 10 minuta.
- Heqim qepën e tepërt dhe selinon, vendosim në mixer 2-3 copa patate dhe 2 lugë lëng nga supa dhe i bluajmë.
- Hedhim masën në supë dhe e lëmë të ziej dhe 2-3 valë.
- Shërbejmë me majdanoz të grirë dhe piper të zi.
0 σχόλια