Akullore vanilja

Përbërësit 

• 500 ml qumësht
• 2 shkopinj vanilje
• 6 të verdha veze
• 150 gr sheqer
• 300 ml krem qumështi

Përgatitja

• Nxehim qumështin bashkë me shkopinjtë e vaniljes deri sa të marri një valë.
• Heqim tenxheren nga zjarri e lëmë për 30 minuta të marri aromën e vaniljes qumështi, kullojmë qumështin nga vanilja.
• Në një tas të madh godasim të verdhat e vezëve me sheqerin deri sa të zbardhen, pak nga pak shtojmë qumështin e kulluar dukë e trazuar.
• Hedhim masën e përgatitur në një tenxhere të pastër duke e trazuar në temperaturë të ulët deri sa të mpikset, jo të vloj.
• Heqim tenxheren nga zjarri dhe e vendosim në frigorifer për 1 orë.
• Ndërkohë godasim kremin e qumështit në santigji.
• Hedhim brenda në kremin e qumësht dhe masën e përgatitur më parë dhe e vendosim në një tas të përshtatshëm për akullore (xhami ose porcelani)
• E vendosim akulloren për 2 orë ne frigorifer në ngrirje.
• Më pas e godasim me mikser akulloren dhe e vendosim prapë në frigorifer për 2 orë të tjera.
• Godasim prapë akulloren me mikser dore dhe më në fund e lëmë akulloren për 3 orë të tjera në akull.
• Nëqoftëse kemi makinë akullore e përpunojmë atje akulloren.

Read more

Akullore krem receta bazë

Përbërësit

• 500 gr qumësht
• 6 vezë vetëm të verdhat
• 220 gr sheqer
• 2 vanilje
• 250 gr krem qumështi

Përgatitja

• Godasim të verdhat e vezëve me sheqerin dhe vaniljet.
• Në një tenxhere hedhim qumështin dhe e vendosim të nxehet, jo të vloj.
• Tërheqim tenxheren nga zjarri dhe shtojmë vezët duke trazuar vazhdimisht.
• Vendosim masën në temperaturë të ulët të pikset duke trazuar me kujdes (nuk e lemë të ziejë sepse pritet kremi).
• Nëse temperatura është e lartë piksim kremin në ben marie.
• Heqim kremin nga zjarri kur të jetë piksur dhe e lemë të ftohet.
• Godasim kremin e qumështit në santigji dhe e bashkojmë me kremin që është ftohur me kujdes.
• Hedhim kremin në një tas të posaçëm për akullore (xham ose porcelan) dhe vendosim në ngrirje për 1 orë.
• Nxjerrim tasin dhe godasim prapë kremin të thyhen akujt që formon përsipër.
• Vdendosim tasin prapë në ngrirje.

Read more

Petulla të vogla me mjaltë

Përbërësit

• 2 vezë
• 1 kg miell farina (që fryhet vetë)
• Qumësht sa të marri brumi
• Një brez kripë

Përgatitja

• Në një tas hedhim miellin shtojmë vezët, kripën, qumështin sa të bëhet një brumë i ujshëm.
• Mbulojmë brumin me transparent dhe e lemë në vend të ngrohtë të dyfishohet.
• Në një tigan të thellë hedhim vajë të bollshëm dhe sa të nxehet mirë hedhim me një lugë brumë.
• Shtrojmë letër kuzhine dhe vendosim petullat e bëra të iki vaji i tepërt.
• Shërbejmë me mjaltë përsipër dhe kanellë pluhur.
• (Për të mos marrë vajë shumë petullat hedhim vezët në brumë).

Read more

Krem Pastiçerie (Creme Patissiere)

Përbërësit

• 1 litër qumësht
• 100 gr niseshte
• 6 të verdha veze
• 270 gr sheqer
• 1 vanilje mashurk
• 100 gr gjalpë

Përgatitja

• Në një tenxhere hedhim 700 gr nga qumështi, vaniljen pasi e kemi pastruar nga farat me një thikë, hedhim dhe mashurkën e vaniljes brenda në qumësht (mund të zëvendësojmë vaniljen mashurka me 2 vanilje kapsula). Shtojmë të gjithë sheqerin por nuk e trazojmë. Vendosim në temperaturë të mesëm dhe e lemë të marri 1 valë.
• Në një tas hedhim niseshte me të verdhat e vezëve. Shtojmë dhe 300 gr të qumështit të mbetur dhe trazojmë me një rrahëse të mos bëhet kokrra.
• Kur të ketë marrë valë qumështi e heqim nga zjarri, heqim cipën me një lugë. Shtojmë masën tjetër që përgatitëm duke trazuar shpejtë me rrahësen. Vendosim prapë në zjarr tenxheren.
• Trazojmë mirë në temperaturë të ulët deri sa të piqet kremi. Kjo mund të marrë dhe 10 minuta mundohemi ta pjekim mirë kremin qe të iki era e niseshtesë.
• Heqim tenxheren nga zjarri dhe shtojmë gjalpin duke e trazuar mirë deri sa të shkrijë. Hedhim kremin në një tepsi e mbulojmë me transparentë të ngjitet përsipër kremit që mos të formoj cipë. Vendosim kremin në frigorifer. Kremi është gati për përdorim.

Tips 
• Nuk e trazojmë sheqerin në qumësht sepse kështu sheqeri bënë një shtresë mbrojtje dhe se lë të digjet.
• Nëse hedhim vanilja mashurka sigurisht që era e krimit është më e fortë.

Read more

Marenga të pjekura në furrë

Përbërësit

• 440 gr sheqer pluhur
  
• 4 te bardha veze
  
• 2 vanilje
  
• 1 l.k lëng limoni
  

Përgatitja

• Godasim vezët në një tas marengë. (Të bëhen shkumë qe nuk bije kur kthen tasin).
  
• Shtojmë dhe lëngun e limonit, shtojmë pak nga pak sheqerin pluhur dhe vaniljen.
  
• Trazojmë shumë ngadalë deri sa të bashkohen përbërësit.
  
• Shtrojmë në një tepsi letër pjekës e lyejmë me gjalpë dhe spërkatim me miell.
  
• Marrim me një lugë marengë dhe e hedhim mbi letër pjekëse, ose e vendosim në korrne me grykë të madhe vendosim duke formuar pirgje të vegjël.
  
• Pjekim marengat në furrë të mesëm për 30' pothuajse.
  
• Mund të shtojmë dhe bajame të bluara, spërkatim përsipër më parë se ti vëmë në furrë.
  

Read more

Pancakes petulla Amerikane

Përbërësit

• 240 gr miell
• 220 gr qumësht
• 100 gr sheqer
• 4 vezë
• 4 l,k pluhur pjekës ( baking powder)
• 1/2 l,k kripë
• 3 vanilje
• Vajë për kaurdisjen
• Sheqer për sherbetin

Përgatitja

Sitim miellin dhe e përziejmë me pluhurin pjekës, kripën dhe vaniljet.

Hedhim miellin në një tas të madh, shtojmë qumështin dhe vezët të rrahura mirë më parë dhe sheqerin.

Godasim mirë brumin me rrahëse  vezësh deri sa të bashkohen mirë përbërësit dhe të bëhet  një brumë i piktë.

Në një tigan hedhim vajin të nxehet dhe me një lugë të madhe hedhim brumin.

Kur të jenë fryrë petullat i kthejmë dhe në anën tjetër të marrin ngjyrë të artë.

Heqim petullat nga tigani dhe i vendosim në letër kuzhine të kullojnë vajin e tepërt.

Përgatisim sherbetin me 300 gr sheqer, 150 gr ujë 1 fletë zhapë limoni dhe një shkop kanellë.

Vendosim të ziejnë të gjitha bashkë për 8-10 minuta.

Spërkatim petullat me sherbetin.

Mundemi të shërbejmë petullat dhe me sheqer pluhur dhe kanellë pluhur në vend të sherbetit.

Read more