Brumë i ardhur me limon

Marrim një limon dhe e presim në mes, e lëmë në ambient shtëpie jo në frigorifer për 4 ditë të thahet.
Marrim 4 lugë miell e përziejmë me pak ujë dhe 8-10 pika limoni të bëhet një brumë i butë.
Mbulojmë tasin me film dhe e lëmë në ambient shtëpie për 24 orë.
Hedhim 4 lugë të tjera miell pak ujë dhe punojmë pakë brumin, mbulojmë për 24 orë të tjera.
Bëjmë të njëjtin proces për herë të tretë dhe lëmë brumin për 24 orë të tjera, brumi është gati për tu përdorur.
Nëse nuk e përdorim brumin në këtë moment e vendosim në frigorifer për një javë.
Nëse as mbas një jave se përdorim brumin e rifreskojmë me 4 lugë të tjera miell dhe pak ujë.
Mundemi çdo dy muaj të hedhim në brumë disa pika limoni që kemi lënë jashtë të prerë për 4 ditë për ta forcuar.
Për të bërë bukë na duhen 250 gr brumë për 1 kg miell.

Read more

Bukë me brumë të ardhur me limon

Përbërësit

• 700 gr miell i zakonshëm
• 300 gr miell për bukë
• 450 gr ujë i vakët
• 30 gr vajë ulliri
• 2 l,k kripë
• 1 l,k sheqer
• 250 gr brumë limoni receta këtu

Përgatitja

• Në një tas të madh hedhim brumin dhe ujin e vakët.
• E lëmë të të shkrifet brumi dhe shtojmë përbërësit e tjerë të recetës, kripën, sheqerin, miellin dhe vajin duke punuar brumin 3-4 minuta.
• Hedhim brumin me një tas të lyer me miell dhe e mbulojmë me transparent për 6-12 orë deri sa të vijë.
• Sa më shumë orë e lëmë aq më shumë vrima do bëj brumi në pjekje.
• Punojmë brumin lehtë dhe i japim formën që dëshirojmë në një apo dy ose tre bukë dhe e hedhim në tavë ose gastër me kapak.
• Lëmë brumin për 1,5 orë të tjera të vijë prapë në ambient të ngrohtë.
• Në furrë të ngrohur paraprakisht në 250°C vendosim gastrën me kapak të djeg mirë më pas vendosim brumin në gastër, lëmë të piqen bukët për 30 minuta, ose 25 minuta pa kapak në 200°C, ose në tavë për 45-60 në 200°C.

Read more

Bukë për burger

Përbërësit

Për 15 burger 

• 100 gr maja birre e butë
• 100 gr ujë i vaktë
• 300 gr miell i cilësisë se mire
• 200 gr miell i zakonshëm
• 2 vezë
• 50 gr sheqer
• 140 gr qumësht i freskët
• 30 gr gjalpë ne copa
• 6 gr kripe
• Për pjekjen pak qumësht fara susami

Përgatitja 

• Shkrijmë majanë ne ujë te vaket dhe e leme për 10 minuta.
• Vendosim miellin ne tasin e mikserit shtojmë majanë me ujin dhe trazojmë.
• Shtojmë vezët, sheqerin dhe qumështin dhe punojmë masën ne shkalle mesatare deri sa te përzihen mire përbërësit dhe te filloj te shkëputet brumi nga anët e tasit. Shtojmë gjalpin ne copa pak te zbutur ne ambient dhome dhe ne fund kripen.
• Punojmë për 15 minuta deri sa te behet elastik dhe te mblidhet në ganxhën e mikserit.
• Mbulojmë brumin me film transparent dhe e vendosim në vend te ngrohtë deri sa te dyfishohet.
• Ndajmë brumin ne copa 90 gramësh.
• I punojmë në toptha dhe i vendosim ne tepsi ku kemi shtruar letër vajore.
• Vendosim tepsinë ne vende te ngrohte dhe leme te dyfishohen.
• Me një furçe i lyejmë me qumësht (ne temperaturë dhome qumështi jo i ftohte) dhe spërkatim me fara susami përsipër.
• Pjekim bukët ne furre të ngrohur paraprakisht në 190°C në rezistenca për 15 minuta.
• Nxjerrim bukët nga furra dhe i vendosim ne një zgarë te ftohen. Janë te buta dhe te freskëta për disa dite.

Read more