Sufle me mish pule

Përbërësit

• Një pulë e pjekur që i kemi hequr kockat dhe lëkurën
• 600 ml qumësht i nxehtë
• 2 lugë supe gjalpë
• 2 lugë supe vaj ulliri
• 2 1/2 lugë supe miell
• 6 vezë (të ndara të verdhat nga të bardhat)
• 200 gr parmeziano i grirë
• 100 gr motzarela e grirë
• 1 presh i grirë hollë
• 2 qep të njoma të grira hollë
• 2 fleta bukë toste të prera në kubik
• Arrë myshku,kripë piper.

 Përgatitja

• Në një tigan hedhim 2 lugë supe vaj ulliri dhe kaurdisim në temperaturë të mesme qepët dhe preshin deri sa të zbuten.
• I nxjerrim nga tigani dhe i vendosim në letër kuzhine të ftohen.
• Në një tenxhere hedhim gjalpin dhe shtojmë miellin, kaurdisim për 1 minutë të marri pak ngjyrë mielli.
• Shtojmë duke trazuar, qumështin qe kemi nxehur dhe trazojmë vazhdimisht deri sa të mpikset beshameli..Hedhim kripën.piperin, arrë myshkun dhe të verdhat e vezëve një nga një duke trazuar.
• Shtojmë dhe përbërësit e tjerë veç të bardhave të vezëve dhe trazojmë.
• Godasim të bardhat e vezëve të bëhen marengë dhe i shtojmë në masën e përgatitur pak nga pak për ti dhënë vëllim sufles.
• Hedhim masën në një pyrex tepsi të lyer me gjalpë, pjekim në furrë të para ngrohur në 180°C për 40 minuta.

Read more

Bamje me mish pule

Përbërësit 

• 2/3 filxhan çajë vaj ulliri
• 1 pulë e prerë në copa
• 1 qep e prerë hollë
• 1 thelb hudhër
• 6 domate të pastruar nga zhapa dhe te prera në copa ose i zëvendësojmë me 200 gr domate konservë
• 250 ml verë e bardhë
• 600 gr bamje
• 1 limon lëngun e tij
• Kripë, piper
• 1/2 e lugës kafes sheqer
• 2-3 lugë uthull
• Majdanoz

Përgatitja

• Në një tenxhere kaurdisim pulën me vajin e ullirit, e vendosim në një pjatë dhe e lëmë mënjan.
• Hedhim qepën dhe hudhrën në tenxhere të kaurdisen dhe shtojmë domatet me majdanozin, ziejmë 5 minuta.
• Hedhim në tenxhere pulën, verën, kripën, piperin, sheqerin dhe pak ujë, mbulojmë tenxheren dhe e lëmë të ziejë në temperaturë të ulët rreth 30 minuta.
• Ndërkohë pastrojmë bamjet dhe ju hedhim 1 lugë uthull, hedhim bamjet në ujë te nxehtë për 5 minuta, i kullojmë dhe hedhim lëngun e limonit përsipër.
• I lemë 10 minuta dhe i hedhim në tenxhere me pulën, shtojmë një gotë ujë dhe ziejmë për 20 minuta bamjet.

Read more

Mish pule sufle me kosë

Përbërësit

• 
  
• 2 qepë të mesme të prera trashë
• 1/2 gotë verë e bardhë
• 1/ 2 filet gjoks pule të prera në pjesë
• 500 gr kosë i plotë në yndyrë
• 4 vezë të goditura
• 200 gr djathë kaçkavall gravirë i prerë trashë
• 1,1/4 filxhan djathë cheddar i grirë
• 80 gr djathë i bardhë në copa
• 2 l,k piper i kuq paprika
• 1 l,k rozmarinë e thatë
• Vaj ulliri
• Krip, piper (pakë kripë sepse kemi hedhur djathin).

Përgatitja

• Nxehim në një tigan vajin e ullirit dhe shtojmë pjesët e mishit dhe qepën. Trazojmë vazhdimisht deri sa copat e mishit të jenë kaurdisur në të gjitha anët rrethë 4' minuta.
• Shuajmë me verën dhe e lemë deri sa të avullojë alkooli të mbetet vetëm me vajin. Shtojmë kripë piper dhe paprika (ose curry nëse dëshirojmë) trazojmë të nxjerrin erën e tyre erëzat dhe heqim tenxheren nga zjarri.
• Ngrohim paraprakisht furrën në 170°C.
• Hedhim masën e përgatitur në një tepsi pyrex.
• Godasim lehtë vezët me kosin dhe djathin e bardhë në copa, 3/4 e gravierës dhe rozmarinën, mbulojmë përsipër pulën me masën e përgatitur.
• Trazojmë mirë të bashkohen. Spërkatim përsipër me gravierën e mbetur dhe djathin chedder.
• Pjekim për 25'-30' minuta 15' minutat e para e mbulojmë tepsinë me letër alumin.
• Shërbejmë menjëherë.

Read more

Mish pule i bardhë ala krem

Pula a la krem është një nga gjellët që kur fillon të hash, nuk ndalon deri sa të kesh fshirë dhe pikën e fundit të salcës nga pjata. Recetë e dashur si nga të vegjlit ashtu dhe të mëdhenjtë. Shërbehet me oriz pilaf.

Përbërësit 

• 1/2 kg mish pule i bardhë (kraharor pule) i prerë fileto
• 150 gr kërpudha konservë të prera në fleta
• 1/4 e filxhanit të çajit ujë
• 1/2 e filxhanit të çajit vaj ulliri
• 1 filxhan çaji verë e bardhë
• 1 lugë kafeje rigon
• 1 lugë supe mustardë e butë
• 200 mg krem qumështi
• 1/3 e lugës kafes arrë myshku
• Kripë, piper

Përgatitja

• Presim mishin e pulës me një thikë të mprehtë në fileto.
• Vendosim në tenxhere mishin e pulës dhe ujin dhe gatuajmë në temperaturë të lartë.
• Sa të marri valë, kthejmë mishin të bëhet në të dyja anët. Kurë të ketë avulluar i gjithë uji i mishit, shtojmë vajin dhe kërpudhat, kaurdisim mishin duke e trazuar bashkë me kërpudhat 5-6 minuta të tjera.
• Shuajmë me verën e bardhë dhe hedhim rigonin kthejmë mishin në të dy anët sa të avulloj vera.
• Shtojmë mustardën, trazojmë dhe hedhim kremin e qumështit.
• Lemë tenxheren në mbi zjarr të mesëm sa të trashet salca, hedhim dhe arrë myshkun, kripën dhe piperin, tërheqim nga zjarri tenxheren dhe e shërbejmë me orizin.

Read more

Përshesh me gjel deti

Përbërësit 

Për zierjen e gjelit

• 1 gjel deti
• Ujë sa të mbulohet gjeli i detit
• Kripë, piper

Për lëngun

• 4 qepë të mesme të grira shumë hollë
• 1 thelb hudhër (nëse dëshirojmë)
• Vajë
• Kripë, piper
• 2 lugë Nenexhik
• Lëngun nga gjeli i detit

Për kulaçin

• 1 kg miell
• Kripë

Përgatitja

• Në një tenxhere të thellë vendosim gjelin e detit pasi e kemi pastruar dhe larë mirë, shtojmë ujë sa të mbulohet, vendosim kapakun tenxheres.
• Ziejmë në temperaturë të mesme duke e kthyer 2-3 herë sa të bëhet mishi (e shpojmë me pirun nëse piruni del lehtë dhe lëngu që del nga vrimat që la piruni është i pastër pa gjak kjo do të thotë që është zier mishi).
• Vendosim mishin në një tepsi dhe pjekim në furrë të para ngrohur 200°C për 15 minuta.

Lëngu i përsheshit

• Grijmë qepët sa më të vogla mundemi dhe i vendosim në tigan me vajë të bollshëm (më vonë nëse gjeli është shumë i bëshëm me yndyrë, hedhim vajin nga qepët që kurdisëm).
• Kaurdisim qepët në temperaturë të mesme duke i trazuar vazhdimisht deri sa të marrin ngjyrë të artë shtojmë lëngun e mishit të jetë rreth 2,5 kg, shtojmë dhe mëlçinë dhe plëndësin e gjelit të prerë në copa të vogla, shtojmë kripë dhe pak piper të zi.
• Ziejmë lëngun me qepën rreth 30 minuta duke shtuar ujë nëse avullon, nëse dëshirojmë presim një thelb hudhër dhe e hedhim brenda në lëngun.

Për përsheshin

• Zëmë kulaçin me kripën të bëhet brumë elastik dhe e shtrojmë në një tepsi të mesme, me një pirunë bëjmë zbukurim mbi brumin nëse dëshirojmë dhe shpojmë me pirun në shumë vende brumin. (nuk hedhim sodë brumit se del i zi përsheshi, në këtë mënyrë përsheshi del i bardhë).
• Pjekim kulaçin në furrë të ngrohur paraprakisht në 180°C për rreth 50 minuta.

Përgatitja e përsheshit

• Thyejmë kulaçin në copa sa më të vogla mundemi pak e vështirë se kulaçi është pa sodë dhe është i fortë hedhim përsipër përsheshit nenexhik dhe e trazojmë.
• Vendosim përsheshin në një tas të madh, hedhim përsipër lëngun trazojmë të shkoj qepa gjithandej dhe mbulojmë për 15 minuta tasin me kapak ose me një tepsi përsipër.
• Presim gjelin dhe shërbejmë të nxehtë mbi përshesh.
• Mund ta pjekim dhe në furrë gjelin në një gastër me kapak me 2 gota ujë.
• Duhet rreth 3 orë të piqet varet nga gjeli.
• Marrim lëngun nga gastra dhe e shtojmë me ujë.
• Në miellin e grurit mund të shtojmë dhe pak miell misri nëse kemi dëshirë.

Read more

Shije pule e bërë në shtëpi (katrorë)

Përbërësit

• 10 krahë pule
• 1 qepë e kuqe e thatë
• 1 qepë e bardhë e thatë
• 1 tufë koriandër rrënjët
• 1 shkop kanellë
• 3 fara kardhamo
• 2 degë rozmarinë
• 1 lugë kripë
• 3 fleta dafine
• 3 karota
• Degët e një selinoje
• 2 litër ujë

Përgatitja

• Në një tenxhere hedhim ujin dhe e lëmë të vloj. Shtojmë krahët e pulës dhe sa të vloj prapë heqim ujin e hedhim dhe shtojmë 2 litra ujë të freskët.
• Hedhim dhe të gjithë përbërësit e tjerë në një tenxhere presioni bashkë me ujin dhe krahët e pulës.
• Lemë tenxheren e presionit për 40 minuta që na momenti që fillon të bëj zhurmën karakteristike. Heqim tenxheren nga zjarri dhe e lemë deri sa të ftohet vetë.
• Hapim dhe ziejmë dhe për 30 minuta të tjera.
• Zgjedhim disa qepë, selino, dhe karotë dhe bluajmë në blender.
• Kullojmë pjesën tjetër të lëngut dhe shtojmë në të perimet që bluam.
• E lemë të ftohet dhe vendosim në frigorifer lëngun që na duhet për dy ditë.
• Lëngun tjetër e hedhim në format e akullit dhe e vendosim në frigorifer në ngrirje (kështu kemi katrorë me aromë pule). Përdorim 1 katrorë për një njeri sa herë gatuajmë.

Read more

Pulë e zier me salcë veze dhe limon

Përbërësit

• 1 pulë e madhe 1 1/2 kg
• 2-3 qepë të thata
• 2 karota
• 2 limon
• 1 tufë selino
• 3-4 vezë
• Pak oriz
• Pak vajë
• Kripë, piper

Përgatitja

Pastrojmë dhe lajmë mirë pulën jashtë dhe brenda, fërkojmë mirë brenda dhe jashtë me limon.

Në një tenxhere hedhim ujë me pak kripë dhe vëmë pulën brenda.

Kur të filloj të ziejë me një lugë heqim shkumën që ka përsipër.

Pastrojmë karotat, qepën dhe selinon i shtojmë në tenxhere të pa prera, hedhim kripë, piper dhe pak vajë.

Lemë të ziejnë mirë në temperaturë të ulët. Kur të jenë zier përbërësit heqim me një lugë perimet dhe i hedhim.

Nxjerrim pulën e vendosim në një pjatë të madhe dhe e  mbulojmë që ta mbajmë të ngrohtë.

Shtojmë në lëngun e pulës pak ujë të ngrohtë nëse është e nevojshme, kur të filloj të ziejë hedhim brenda orizin, lemë supën të ziej në temperaturë të ulët.

Godasim vezët, shtojmë lëngun e limonit  sa të dëshirojmë dhe pak lëng nga supa. 

Hedhim salcën e përgatitur në supë dhe trazojmë vazhdimisht mbi zjarr deri sa të pikset. 

Shërbejmë supën të nxehtë.

Read more