Tortë KOK në tavë

Përbërësit
Pandispanja

• 1 1/2 filxhan çaji miell fryrës (farina)
• 2 l,k pluhur pjekës (baking powder)
• 2 vanilje pluhur
• 6 vezë të ndara të bardhat nga të verdhat
• 1 1/2 filxhan çaj sheqer

Për kremin

• 8 l,s të prera miell
• 4 l,s të prera niseshte
• 1 filxhan çaji sheqer
• 6 të verdha veze
• 5 filxhan qumësht i freskët
• 1 vanilje
• 3 l,s gjalpë

Për mbulimin nga lartë

• 170 gr kuverturë çokollatë
• 170 ml krem qumështi pana me 35% yndyrë
• 1 l,k mjaltë

Për shurupin

• 1 filxhan sheqer
• 1 filxhan ujë

Përgatitja

• Ngrohim paraprakisht furrën në 170°C me ajër.
• Përgatisim pandispanjën, në një tas bashkojmë miellin, pluhurin pjekës dhe 2 vaniljet.
• Godasim në mikser të bardhat e vezëve të bëhen shkumë (mareng).
• Godasim në mikser 1 1/2 filxhan sheqer me të verdhat e vezëve të bashkohen mirë.
• Hedhim masën e sheqerit dhe të vezëve që përgatitëm më parë në të bardhat dhe trazojmë lehtë.
• Hedhim miellin pak nga pakë dhe trazojmë me kujdes në të njëjtin drejtim të mos humbim fryrjen.
• Shtrojmë 2 tava të mesme me letër pjekje dhe ndajmë brumin në dy tepsitë në mënyrë të barabartë.
• Pjekim për 25- 30 minuta.
• Përgatisim kremin
• Në një tenxhere hedhim gjysmën e qumështit dhe në temperaturë të mesme e vlojmë.
• Në një tas hedhim gjysmën tjetër të qumështit shtojmë miellin, niseshtenë të verdhat e vezëve, 1 filxhan sheqer dhe 1 vanilje.
• Hedhim masën e përgatitur në qumështin e nxehtë, hedhim dhe gjalpin duke trazuar vazhdimisht të mos na ngjisë kremi dhe të piqet mirë.
• Përgatisim glason çokollatë
• Në një tenxhere të vogël ngrohim kremin e qumështit sa të nxehet jo të vloj.
• Tërheqim tenxheren nga zjarri dhe shtojmë çokollatën duke trazuar sa të shkrijë mirë çokollata, shtojmë dhe mjaltin.
• Përgatisim shurupin
• Në një tenxhere të vogël hedhim ujin dhe sheqerin të ziejë 2-3 minuta.
• Montojmë tortën
• Heqim nga tepsia pandespanjën e parë (duhet të jetë krejt e ftohtë) dhe e vendosim në një pjatë të madhe ose tepsi.
• Spërkatim me shurupin e nxehtë përsipër pandespanjën. Hapim kremin nga lartë, shtrojmë panaspanjën e dytë, spërkatim me shurupin e mbetur, hedhim dhe glason e çokollatës për sipër dhe e mbulojmë tepsinë me transparentë.
• Vendosim tortën në frigorifer për 2-3 orë.

Read more

Pasta për shën Valentinin

Përbërësit për pandespanjën

• 7 vezë
• 7 lugë supe të prera miell
• 7 lugë supe të prera sheqer
• 3 lugë supe të plota kakao
• 1 vanilje
• 2 l,k pluhur pjekës (baking powder)
• 1 brez kripë

Përbërësit për krem luleshtrydhen

• 1 faqe garni pluhur vanilje
• 200 ml qumësht i ftohtë
• 1 faqe xhel pluhur
• 200 ml ujë i nxehtë
• 1 vanilje
• 2 lugë supe panna ose sheqer pluhur
• Pak pika ngjyrë pastiçerie (sipas dëshirës)
• 3-4 lugë marmelatë luleshtrydhe e bashkuar me 1-2 lugë pije luleshtrydhe (sipas dëshirës)

Përbërësit për sherbetin

• 1 filxhan çaje sheqer
• 1.1/2 filxhan çaje ujë
• 1 vanilje
• 1 lugë kafeje lëng limoni
• 1 gotë e vogël rakie pije luleshtrydhe

Përbërësit për ganazhin

• 250 gr çokollatë kuvertura e copëtuar
• 150 gr qumësht i kondensuar
• 1 lugë supe margarinë
• 1 lugë supe mjaltë
• Ganazhi mund të zëvendësohet me 250 gr krem qumështi dhe 250 gr çokollatë.

Përgatitja

• Fillojmë me pandispanjën. Godasim vezët, sheqerin dhe kripën 5-8 minuta në mikser të fryhen dhe të dyfishohen.
• Shtojmë në 3 herë miellin të situr me kakaon dhe pluhurin pjekës duke trazuar lehtë me shpatull.
• Hedhim masën në një tepsi të madhe të sobës elektrike ku kemi shtruar letër vajore dhe pjekim në 180 gradë për 8-10 minuta.
• Ziejmë sheqerin me ujin për 1 minutë nga ora që ka marrë valë, shtojmë lëngun e limonit shtojmë pijen dhe vaniljen. E lëmë mënjanë të ftohet.
• Shkrijmë në ujë të nxehtë xhelin dhe e lëmë të ftohet por jo të mpikset.
• Godasim garnin me qumështin dhe vaniljen në santigji dhe shtojmë xhelin.
• Shtojmë pannen ose sheqerin pluhur (provojmë kremin sa i ëmbël është). Vendosim kremin në korne.
• Presim pandispanjën në 8 copa në formë zemre ose çfarë forme të dëshirojmë me një formë 8-10 cm.
• Zhytim një nga një copat e pandespanjës në sherbetin e ftohtë ose të vakët të regjen mirë dhe i shtrojmë në një pjatel ku kemi shtruar letër pjekje i çojmë në frigorifer.
• Mbushim pastat me korne me kremin nga lartë dhe vendosim nga lart marmelatën. Mbulojmë me copat e tjera të pandespanjës qe kemi sherbetuar.
• Vendosim pastat ne frigorifer në ngrirje për 2 orë.
• Nxjerrim nga korneja kremin e mbetur dhe vendosim në një tas në frigorifer.
• Pasi kanë ngrirë pastat godasim me një rrahëse kremin e mbetur e hapim bukur me një shpatull mbi pastat dhe anës tyre,vendosim në frigorifer prapë për 1 orë.

Përgatisim ganazhin

• Valojmë qumështin dhe e hedhim mbi çokollatën dhe margarinën. Trazojmë shtojmë dhe mjaltin.
• Nxjerrim pastat nga frigoriferi i vendosim mbi një zgarë dhe hedhim përsipër ganazhin me ndihmën e një shpatulle.
• Zbukurojmë përsipër sipas dëshirës.
• Përbërësit janë për 8 pasta ose për një tepsi 26-28 cm.
• Për të zbukuruar përdorim santigji me pak ngjyrë pastiçerie.
• Në vend të xhel luleshtrydhe mund të përdorim xhel qershie ose portokalli çfarë shije të dëshirojmë.
• Në vend të garni mund të përdorim krem qumështi ose kuti morfat.
• Në vend të krem luleshtrydhe mund të përdorim çfarë kremi të dëshirojmë, dhe krem patiseri.
• Pastat duhet të jen të ngrira që mos të prishen kur ti punojmë.

Read more

Pandispanjë bazë për tortat

Përbërësit

• 5 vezë
• 150 gr sheqer
• 150 gr miell
• 2 l.k pluhur pjekës (baking powder)
• 1 vanilje pluhur
• Nëse dëshirojmë pandispanj çokollate heqim 2 lugë supe miell dhe shtojmë 2 lugë supe kakao.

Përgatitja

• Sitim miellin dhe e përziejmë me pluhurin pjekës.
• Godasim në mikser vezët me sheqerin të bëhen shkumë 2-3 minuta. Shtojmë vaniljen dhe kripën dhe trazojmë me një shpatull lehtë duke shtuar miellin me pluhurin pjekës.
• Hedhim masën në një çerkë që hapet ku kemi shtruar më parë letër pjekje dhe e kemi lyer anash me gjalpë.
• Pjekim në furrë të ngrohur paraprakisht në 180° për 20-25 minuta në zgarën e dytë nga lartë të sobës.
• Lemë padispanjën të ftohet mirë dhe pastaj e presim në 3 rrathë me një thikë sharrë.
• E përdorim pandispanjën në çdo lloj torte që duam të bëjmë. Është shumë e butë dhe nuk është nevoja të regjet me sherbet.

Read more

Pasta në tepsi

Recetë për pasta, që janë më të mira nga ato të blera në dyqan ëmbëlsirash!

PËRBËRËSIT PËR 16 PASTA

PËR PANDESPANJËN

• 6 vezë
• 6 lugë supe sheqer
• 6 lugë supe miell
• 4 lugë supe kakao
• 4 lugë supe vaj luledielli
• 1 vanilje
• 2 lugë kafeje të prera baking powder

PËR SHURUPIN

• 300 gram sheqer
• 350 gram ujë
• 1 vanilje
• 2 lugë supe konjak (sipas dëshirës)
• 1 lugë lëng limoni (ose 1 lugë supe glikozi)

PËR KREMIN E BARDHË

• 2 kuti krem morfat santigji (të ftohta nga frigoriferi)
• 1 kuti panna (qumësht i sheqerosur 370-400 gr)
• 1 vanilje

PËR GANAZHIN E ÇOKOLLATËS

• 200 gr çokollatë kuvertura e copëtuar
• 200 gr qumësht i kondensuar
• 1 lugë supe mjaltë ose glikoz

Përgatitja

• Në një tas sitim miellin me kakaon dhe pluhurin pjekës.
• Godasim vezët me sheqerin deri sa të shkumëzohen dhe të fryhen 3-4 minuta hedhim dhe vaniljen.
• Shtojmë miellin që kaluam në sitë, godasim në shkallën e avashme të mikserit dhe në fund hedhim pak nga pak vajin e lule diellit.
• Nëse mundemi të bëjmë përzierjen e miellit dhe përbërësve me një shpatull aq më mirë nuk do humbim shumë mazë nga fryrja e brumit.
• Hedhim brumin në një tepsi 25×30 dhe pjekim në furrë të ngrohur paraprakisht në 180° për 10 minuta (jo me ajër) e provojmë me një kruese dhëmbësh nëse del e thate atëher është gati pandespanja.
• Sa të piqet pandespanji ziejmë shurupin për 2-3 minuta e zbresim nga zjarri dhe hedhim konjakun, hedhim shurupin e nxehtë mbi pandespanjën e nxehtë dhe e lëmë të ftohet.
• Në 1 tas godasim me mikser morfatin të bëhet santigji rreth 3 me 4 minuta, shtojmë pannën dhe vaniljen, shtrojmë kremin mbi pandespanjën e ftohtë vendosim në frigorifer të ftohet për 1 orë.

PËR GANAZHIN E ÇOKOLLATËS

• Nxehim qumështin dhe e hedhim mbi çokollatën e copëtuar, shtojmë mjaltin trazojmë dhe e lemë deri sa të vaket, hedhim ganazhin mbi kremin me një shpatull e hapim bukur.
• Përsëri vendosim pastat në frigorifer për 2 orë.
• Presim pastat në copa duke fshirë thikën me një letër sa herë presim dhe më pas zbukurojmë me copa çokollate të bardhë ose me çfarë zbukurimi dëshirojmë.

Read more

Tortë me luleshtrydhe

Përbërësit
Për panispanjën

• 5 vezë
• 1/2 filxhan sheqer
• 3/4 filxhan miell
• 1 vanilje
• 1 brez kripë
• 1 l,k pluhur pjekës baking powder

Për shurupin

• 1 filxhan sheqer
• 1,1/2 filxhan ujë
• 1 l,k lëng limoni
• 1 vanilje

Për kremin vanilje

• 500 gr vegetal cream (jeshilen)
• 100 gr qumësht i kondensuar
• 1 kuti pluhur garni (krem pastiçerie)
• 2 vanilje
• 1 qumësht i sheqerosur (pana)

Kremi luleshtrydhe

• 700 gr luleshtrydhe
• 8-9 l,s sheqer
• 1 l,s e plotë niseshte
• 1 vanilje
• 2-3 l,s konjak ose pije luleshtrydhe

Përgatitja

• Godasim vezët me sheqerin dhe kripën për 5 minuta.
• Shtojmë përbërësit e thatë të kaluar në sitë dhe trazojmë lehtë me një shpatull.
• Hedhim masën në një tepsi 26-28 cm ku kemi shtruar letër pjekje dhe pjekim në furrë të para ngrohur 180°C për 20 minuta.
• Vlojmë sherbetin për 1 minutë nga ora që fillon të vlojë dhe e lemë të ftohet.
• Në blender hedhim luleshtrydhet me sheqerin dhe niseshtenë godasim të bëhen pelte.
• Nëse dëshirojmë masa të jetë pa farat e luleshtrydhes, kullojmë masën në një sitë duke e shtypur me një lugë.
• Hedhim pelten në një tenxhere dhe trazojmë me shpejtësi të lidhet kremi mbi zjarr.
• Shtojmë pijen ose konjakun dhe vaniljen.
• Hedhim masën në një tas dhe e mbulojmë me transparente e lemë të ftohet.
• Godasim në mikser kremin me qumështin, vaniljet dhe kremin e pastiçerisë garni në santigji, shtojmë dhe panën.
• Në një pjatë të madhe vendosim çerkun dhe formojmë tortën duke vendosur panaspanjën, shurupin, kremin e vaniljes dhe kremin e luleshtrydhes dhe prapë pandispanjë,shurup,krem vanilje (në mes nuk vëmë krem luleshtrydhe) dhe prapë pandispanjën e fundit shurup, krem vanilje dhe mbarojmë me kremin luleshtrydhe.
• Vendosim tortën të ngrijë në frigorifer në ngrirje për 1-2 orë dhe më pas i heqim çerkun tortës.
• Mbulojmë dhe anët e tortës me kremin e vaniljes qe na ka mbetur dhe zbukurojmë tortën përsipër (me këtë krem del saktësisht masa dhe për zbukurim).
• Mundemi ti presim në feta luleshtrydhet nëse dëshirojmë të mos i bëjmë pelte.

Read more

Krem Pastiçerie (Creme Patissiere)

Përbërësit

• 1 litër qumësht
• 100 gr niseshte
• 6 të verdha veze
• 270 gr sheqer
• 1 vanilje mashurk
• 100 gr gjalpë

Përgatitja

• Në një tenxhere hedhim 700 gr nga qumështi, vaniljen pasi e kemi pastruar nga farat me një thikë, hedhim dhe mashurkën e vaniljes brenda në qumësht (mund të zëvendësojmë vaniljen mashurka me 2 vanilje kapsula). Shtojmë të gjithë sheqerin por nuk e trazojmë. Vendosim në temperaturë të mesëm dhe e lemë të marri 1 valë.
• Në një tas hedhim niseshte me të verdhat e vezëve. Shtojmë dhe 300 gr të qumështit të mbetur dhe trazojmë me një rrahëse të mos bëhet kokrra.
• Kur të ketë marrë valë qumështi e heqim nga zjarri, heqim cipën me një lugë. Shtojmë masën tjetër që përgatitëm duke trazuar shpejtë me rrahësen. Vendosim prapë në zjarr tenxheren.
• Trazojmë mirë në temperaturë të ulët deri sa të piqet kremi. Kjo mund të marrë dhe 10 minuta mundohemi ta pjekim mirë kremin qe të iki era e niseshtesë.
• Heqim tenxheren nga zjarri dhe shtojmë gjalpin duke e trazuar mirë deri sa të shkrijë. Hedhim kremin në një tepsi e mbulojmë me transparentë të ngjitet përsipër kremit që mos të formoj cipë. Vendosim kremin në frigorifer. Kremi është gati për përdorim.

Tips 
• Nuk e trazojmë sheqerin në qumësht sepse kështu sheqeri bënë një shtresë mbrojtje dhe se lë të digjet.
• Nëse hedhim vanilja mashurka sigurisht që era e krimit është më e fortë.

Read more

Tortë nugatina

Përbërësit

• 8 të bardha veze
• 300 gr bajame të copëtuara
• 200 gr sheqer
• 3 l.s miell
• 1 l.s kanellë
• 1 racion krem patiseri
• Pak liker të preferencës sonë

Përgatitja

Përziejmë bajamet e bluara me miellin dhe kanellën.

Godasim vezët në marengë dhe shtojmë pak nga pak sheqerin, shtojmë bajamet e përziera me miellin dhe trazojmë me kujdes me lugë druri. 

Lyejmë me gjalpë një tepsi të stërgjatë dhe hedhim brenda masën, shtrojmë mirë të ketë të njëjtën trashësi.

Pjekim në furrë të mesme për 15 minuta.

E nxjerrim nga furra dhe kur të jetë ftohur e presim në 3 copa të njëjta.

Përgatisim kremin patiseri shtojmë në krem dhe 100 gr bajame të copëtuara.

Në një pjatë të madhe vendosim copën e parë e spërkatim me pak liker të holluar me 3 lugë qumësht, shtrojmë 1/3 e kremit dhe vazhdojmë me të njëjtën mënyrë deri sa ti kemi venë të 3 copat tortës. 

Shtrojmë me një thikë ose shpatull mirë sipërfaqen e tortës me kremin. 

Spërkatim përsipër me bajame të pjekura dhe nëse dëshirojmë zbukurojmë me krem santigji.

Nëse dëshirojmë tortën të rrumbullakët pjekim në tepsi të rrumbullakët dhe e presim në 3 tre disqe, shtrojmë njëlloj kremin.

Read more